> Гродзенская вобласць > Навагрудскі раён > вёска Шчорсы > Царква Святога Дзмітрыя Салунскага
Шчорсы. Царква Святога Дзмітрыя Салунскага
Шчорсы. Царква Святога Дзмітрыя Салунскага

Царква Святога Дзмітрыя Салунскага | Шчорсы

Выбраныя здымкі

Шчорсы. Царква Святога Дзмітрыя Салунскага

Агульны выгляд Фота © С. Рамановіч |

Шчорсы. Царква Святога Дзмітрыя Салунскага

Фотаздымак пач. 20 ст. Фота © С. Рамановіч |

Шчорсы. Царква Святога Дзмітрыя Салунскага

Іканастас Фота © К. Шастоўскі |

Мураваная Дзімітраўская царква была ўзведзена па фундацыі канцлера ВКЛ графа Яўхіма Літавора Храптовіча на месцы згарэлай у 1758 г. драўлянай уніяцкай царквы. Будаўніцтва вялося пад кіраўніцтвам французкага архітэктара Я.Габрыэля і скончана ў 1776 г.

Архітэктура храма спалучае рысы барока і класіцызму. Ёй уласцівы важкая манументальнасць і стрыманасць дэкаратыўных сродкаў. Прамавугольны ў плане аб'ём пад пакатым двухсхільным дахам уключае ў сябе ўсе тры асноўныя часткі храма: уваходную (нартэкс з хорамі над ім), малітоўную залу і алтарную апсіду з сакрыстыямі па баках. Такая лапідарнасць і спрошчанасць кампазіцыі, як і магутны аркадны «паладыянскі» порцік (далучаны да галоўнага фасада), характэрныя для класіцызму. У той жа час вытанчанасць прапорцый, двух'яруснае чляненне бакавых фасадаў (накшталт базілікі) шырокім поясам антаблемента, вырашэнне галоўнага фасада ў выглядзе самастойнай сценкі-кулісы, якая выступае па баках за межы нефа, — усё гэта архітэктурныя прыёмы барока. Чацверыковая вежа над уваходнай часткай рудыментамі барочных валют злучана са сценкай фасада і стварае з ім агульную кампазіцыю.

Інтэр'ер перакрыты цыліндрычным скляпеннем з распалубкамі на падвойных падпружных арках, якія абапіраюцца на пілястры карынфскага ордэра.

Пасля скасавання уніі храм пераасвячоны ў праваслаўную царкву.

Крыніца:
Т.В. Габрусь
Мураваныя харалы
Мінск, "Ураджай", 2001

Год пабудовы (перабудовы): 1770-76
Каардынаты:
53° 39'1.30"N, 26° 10'27.52"E

Фотагалерэі