> Гродзенская вобласць > Навагрудскі раён > мястэчка Валеўка > Царква Святых апосталаў Пятра й Паўла
Валеўка. Царква Святых апосталаў Пятра й Паўла
Валеўка. Царква Святых апосталаў Пятра й Паўла

Царква Святых апосталаў Пятра й Паўла | Валеўка

Выбраныя здымкі

Валеўка. Царква Святых апосталаў Пятра й Паўла

Фота © Кузіч Мікола | Дата: 17.09.2012

Валеўка. Царква Святых апосталаў Пятра й Паўла

Агульны выгляд Фота © К. Шастоўскі | Дата: 2002

Валеўка. Царква Святых апосталаў Пятра й Паўла

Фрагмент Фота © К. Шастоўскі | Дата: 2002

У 1685 г. у вёсцы Валеўка, бліжэйшым да возера Свіцязь населеным пункце, падкаморы лідскі Стафан Курча заснаваў кляштар дамініканцаў і фундаваў драўляны касцёл св. Тройцы, архітэктура якога мела рысы стылю барока. Будынак першапачаткова складаўся з квадратнага ў плане кафалікона, пяціграннай алтарнай апсіды і ўваходнага зруба-бабінца, які быў вырашаны вузкім распластаваным уздоўж галоўнага фасада аб'ёмам з чацверыкамі вежаў па баках. Усе зрубы роўныя па вышыні і накрыты шматсхільным гонтавым дахам з агульным вільчыкам, што надае кампазіцыі збудавання барочную падоўжную дынаміку. Раней галоўны фасад завяршаўся 2 чацверыковымі вежамі з фігурнымі галоўкамі і франтонам з трохпралётнай аркадай званіцы.

Будынак капітальна рамантаваўся ў 1736 г. У 1830 г. касцёл перададзены праваслаўным і асвечаны як Петрапаўлаўская царква. У 1870-я гады перабудаваны галоўны фасад: зняты вежы, франтон набыў ламаны абрыс. У 1930-ых гадах да храма праз уваходны тамбур далучана трох'ярусная чацверыковая званіца каркаснай канструкцыі. Перабудовы значна змянілі аблічча помніка. У інтэр'еры захаваўся двух'ярусны драўляны іканастас XIX ст., аздоблены накладной разьбой з пазалотай.

Крыніца:
Тамара Габрусь Памяць. Навагрудскі раён
Мінск, "Беларусь", 1996

Паведамленні

Год пабудовы (перабудовы): 1685, 1736, 1870, 1930-x
Каардынаты:
53° 27'34.13"N, 25° 53'11.22"E

Фотагалерэі