Выбраныя здымкі
Агульны выгляд Фота © К. Шастоўскі |
Агульны выгляд Фота © К. Шастоўскі |
Званіца. Унутры вежы Фота © К. Шастоўскі |
Касьцёл Сьвятых Апосталаў Пятра й Паўла быў пабудаваны ў 1786 годзе адным з прадстаўнікоў рода Сьлізьняў. Аб гэтым сьведчыць і камень, які ўмураваны ў тыльную сьцяну касьцёла.
У 1869-71 гг. паводле праекта архітэктараў Ціхвінскага і Кжыжаноўскага касьцёл быў перабудаваны і асьвячоны пад царкву. У 1920-я г. – зноў касьцёл, на 1932 г. налічваў 408 парафіян.
Да перабудовы 19 ст. касьцёл з’яўляўся творам архітэктуры барока. Храм быў вырашаны 1-нефавым аб’ёмам з паўкруглай апсідай і бакавымі сакрысьцямі. З перабудовай пад царкву яго архітэктура набыла рысы рэтраспэктыўна-рускага стылю. Над порцікам франтальнага 2-яруснага фасада ўзвышаўся шпіль званічкі, якая ў час перабудовы была заменена на 8-гранны барабан з цыбулепадобным купалам, а галоўны ўваход аформлены старажытна-рускім рундуком, вуглы плоскаснага фасада аформлены калонкамі-бочкамі. Над вальмавым чарапічным дахам быў узьведзены 8-гранны барабан з цыбулепадобным купалам. Малітоўная заля перакрыта цыліндрычным скляпеньнем, над уваходам на 4 слупах навісалі хоры, 3 алтары былі счасаны, крыпта замуравана.
Перад храмам стаіць 2-ярусная званіца, раней – званіца-брама – твор барочна-клясіцыстычнай архітэктуры. Першы 4-гранны ярус руставаны, над прамавугольным праездам меў гербавы картуш з “Пагоняй”. Другі ярус-звон меў у аснаваньні валютныя сплывы і завяршаўся фігурным купалам з гадзіньнікам-курантамі.
У 1869-71 гг. паводле праекта архітэктараў Ціхвінскага і Кжыжаноўскага касьцёл быў перабудаваны і асьвячоны пад царкву. У 1920-я г. – зноў касьцёл, на 1932 г. налічваў 408 парафіян.
Да перабудовы 19 ст. касьцёл з’яўляўся творам архітэктуры барока. Храм быў вырашаны 1-нефавым аб’ёмам з паўкруглай апсідай і бакавымі сакрысьцямі. З перабудовай пад царкву яго архітэктура набыла рысы рэтраспэктыўна-рускага стылю. Над порцікам франтальнага 2-яруснага фасада ўзвышаўся шпіль званічкі, якая ў час перабудовы была заменена на 8-гранны барабан з цыбулепадобным купалам, а галоўны ўваход аформлены старажытна-рускім рундуком, вуглы плоскаснага фасада аформлены калонкамі-бочкамі. Над вальмавым чарапічным дахам быў узьведзены 8-гранны барабан з цыбулепадобным купалам. Малітоўная заля перакрыта цыліндрычным скляпеньнем, над уваходам на 4 слупах навісалі хоры, 3 алтары былі счасаны, крыпта замуравана.
Перад храмам стаіць 2-ярусная званіца, раней – званіца-брама – твор барочна-клясіцыстычнай архітэктуры. Першы 4-гранны ярус руставаны, над прамавугольным праездам меў гербавы картуш з “Пагоняй”. Другі ярус-звон меў у аснаваньні валютныя сплывы і завяршаўся фігурным купалам з гадзіньнікам-курантамі.
Паводле даведніка
А.М. Кулагін “Каталіцкія храмы на Беларусі”. Мн., 2000.
Сьвятлана Трунеўская