> Гродзенская вобласць > Слонімскі раён > вёска Альбярцін (Слонім) > Касцёл Найсвяцейшай Панны Марыі
Альбярцін (Слонім). Касцёл Найсвяцейшай Панны Марыі
Альбярцін (Слонім). Касцёл Найсвяцейшай Панны Марыі

Касцёл Найсвяцейшай Панны Марыі | Альбярцін (Слонім)

Выбраныя здымкі

Альбярцін (Слонім). Касцёл Найсвяцейшай Панны Марыі

Выгляд з боку апсіды Фота © К. Шастоўскі |

Альбярцін (Слонім). Касцёл Найсвяцейшай Панны Марыі

Погляд на галоўны фасад Фота © Нашы касьцёлы (http://www.hramy.com) |

Альбярцін (Слонім). Касцёл Найсвяцейшай Панны Марыі

Будынак, у якім разьмяшчалася місія езуітаў у Альбярціне Фота © К. Шастоўскі |

Касцёл у Альбярціне

Касцёл у прадмесці Слоніма Альбярціне ўзведзены ў 1930-я гады. Просты па аб'ёмна-прасторавай кампазіцыі будынак з цэглы набыў манументальны выгляд дзякуючы эфектнаму размяшчэнню на схіле пакатага ўзгорка.

Прамавугольны ў плане, з высокім двухсхільным дахам касцёл мае дынамічную кампазіцыю дзякуючы квадратнай у сячэнні вежы, якая завяршаецца высокім чатырохгранным шпілем. Вуглы шпіля дэкарыраваны выявамі хімер, адлітымі з металу. Своеасаблівым ступеньчатым стылабатам вежы з'яўляюцца шырокая ўваходная лесвіца і цокаль, выкладзены буйнымі вапняковымі блокамі.

Галоўны ўваход выдзелены прамавугольным перспектыўным парталам. Вось сіметрыі галоўнага фасада адзначана круглым і трыма прамавугольнымі вокнамі над уваходным парталам. У аснове мастацка-стылявой трактоўкі храма значна утрыраваныя і спрошчаныя формы гатычнай архітэктуры. Плоскасныя фасады расчленены вузкімі, высока ўзнятымі стрэльчатымі праёмамі.

Значны кантраст з неатынкаванымі фасадамі будынка ўяўляе яго інтэр'ер. Вырашаны ў буйных формах, ён расчленены чатырма моцнымі слупамі на тры нефы. Цэнтральны неф перакрыты люстэркавым скляпеннем, бакавыя раздзелены на прамавугольныя ячэйкі з плоскімі перакрыццямі, апрацаванымі ў форме прафіляваных плафонаў. Столь падтрымліваецца бэлькамі, якія ў сцен абапіраюцца на фігурныя кранштэйны. Над уваходам на ўсю шырыню касцёла зроблены хоры, якія адкрываюцца ў залу трохпралётнай лучковай аркадай. Аб'ём алтарнай часткі перакрыты крыжовым скляпеннем і мае каменны фігурны алтар.

Крыніца:
В. Б. Караткевіч, А. М. Кулагін
Помнікі Слоніма
Мінск, Навука і тэхніка, 1983

Год пабудовы (перабудовы): 1936
Каардынаты:
53° 4'38.34"N, 25° 23'35.28"E

Фотагалерэі