Званіца | Жыровіцы

Званіца Жыровіцкага манастыра

У Жыровіцах на адной планіровачнай восі з Успенскім саборам перад ім размешчана званіца — помнік класіцызму першай паловы XIX ст. Гэта цэнтрычная, квадратная ў плане двух'ярусная пабудова, завершаная паўсферычным купалам з цыбульнай галоўкай на крутым барабане, аналагічнай купалу Успенскага сабора.

Галоўны фасад званіцы дэкарыраваны накладным порцікам дарычнага ордэра з фрызам трыгліфаў. Бакавыя грані вежы крапаваны глыбокімі філёнгамі. Чатырохгранная вежа, якая завяршае званіцу, раскрапавана падвоенымі пілястрамі, карнізам з сухарыкамі.