> Гродзенская вобласць > Воранаўскі раён > вёска Пагародна (Гародна) > Касцёл
Пагародна (Гародна). Касцёл
Пагародна (Гародна). Касцёл

Касцёл | Пагародна (Гародна)

Год пабудовы (перабудовы): > 1750
Каардынаты:
54° 5'44.79"N, 25° 7'55.99"E

Фотагалерэі

Выбраныя здымкі

Пагародна (Гародна). Касцёл

Агульны выгляд Фота © К. Шастоўскі |

Пагародна (Гародна). Касцёл

Агульны выгляд Фота © Нашы касьцёлы (http://www.hramy.com) |

Пагародна (Гародна). Касцёл

Інтэр\'ер Фота © К. Шастоўскі |

Касцёл пабудаваны ў сярэдзіне 18 ст. каля палаца Людвіга Скумін-Тышкевіча (не захаваўся) як радавая пахавальня.

Помнік архітэктуры ракако. 1-нефавы аб'ём з 2-павярховай квадратнай у плане пад агульным 2-схільным дахам плябаніяй з боку апсіды. Увагнутая плоскасць галоўнага фасада раскрапавана шматслойнымі пілястрамі з ракайльнымі капітэлямі, завершана фігурным шчытом з выявай герба ўладальніка сядзібы. Уваход вырашаны паўавальным парталам, над ім — фігурны аконны праём. Бакавыя фасады расчлянёны высокімі лучковымі аконнымі праёмамі і буйнымі контрфорсамі.

Унутры прастора была перакрыта крыжовымі скляпеннямі на падпружных арках, якія на сценах пераходзілі ў пілястры з ракайльнымі капітэлямі. Пластыка-дэкаратыўным акцэнтам інтэр'ера з'яўляецца пластычны алтар, кампазіцыйна падобны да галоўнага фасада будынка: пілястры з лепкай на капітэлях абрамлялі арку, над якой быў картуш з гербам уладальніка сядзібы. Над уваходам былі размешчаны хоры з выпуклай агароджай на фігурных слупах. У бакавых цыліндрычных шахтах знаходзіліся вітыя лесвіцы на хоры. Дзверы абапал алтара вялі ў калідор, а з яго — у прыбудову плябаніі з авальнымі скляпеннямі на 1-м паверсе. Пад храмам — вялікая скляпеністая крыпта.

Крыніца:
А.М. Кулагін
Каталіцкія храмы на Беларусі
Мінск, Беларуская Энцыклапедыя, 2000