Выбраныя здымкі
Агульны выгляд Фота © Нашы касьцёлы (http://www.hramy.com) |
Народны летувіскі слуп з укрыжаваньнем ля касьцёла Фота © Ціжоўка Алег (bystar) |
Укрыжаваньне ля касьцёла. Надпісы па-летувіску Фота © Вольга Сеўрук |
Касцёл пабудаваны ў цэнтры вёскі ў 1910-я гг. з бутавага каменю і цэглы. Пеляса - вёска з пераважаючым летувіскім насельніцтвам.
Помнік архітэктуры эклектыкі з выкарыстаннем стылізаваных форм готыкі. 3-нефавая 1-вежавая базіліка. Галоўны фасад карнізам падзелены на 3 ярусы. Першы з іх вылучаны па цэнтры магутным перспектыўным стральчатым парталам галоўнага ўвахода. Другі ярус вырашаны высокім 2-схільным шчыпцом, расчлянёным лапаткамі на 3 часткі і фланкіраваны шатровымі вежачкамі з крыжамі. Трэці ярус — масіўны чацвярык званіцы з шатровым пакрыццём і сігнатуркай у завяршэнні. Франтальная грань званіцы прарэзана стральчатым акном-біфорыумам. Архітэктурна-эстэтычны эфект храма ствараецца спалучэннем паліхромнай высакаякаснай бутавай муроўкі сцен з атынкаванымі і пабеленымі элементамі архітэктурнага дэкору — крутлымі люкарнамі, лапаткамі, ліштвамі стральчатых аконных праёмаў, прафіляванымі карнізамі.
Помнік архітэктуры эклектыкі з выкарыстаннем стылізаваных форм готыкі. 3-нефавая 1-вежавая базіліка. Галоўны фасад карнізам падзелены на 3 ярусы. Першы з іх вылучаны па цэнтры магутным перспектыўным стральчатым парталам галоўнага ўвахода. Другі ярус вырашаны высокім 2-схільным шчыпцом, расчлянёным лапаткамі на 3 часткі і фланкіраваны шатровымі вежачкамі з крыжамі. Трэці ярус — масіўны чацвярык званіцы з шатровым пакрыццём і сігнатуркай у завяршэнні. Франтальная грань званіцы прарэзана стральчатым акном-біфорыумам. Архітэктурна-эстэтычны эфект храма ствараецца спалучэннем паліхромнай высакаякаснай бутавай муроўкі сцен з атынкаванымі і пабеленымі элементамі архітэктурнага дэкору — крутлымі люкарнамі, лапаткамі, ліштвамі стральчатых аконных праёмаў, прафіляванымі карнізамі.
Крыніца:
А.М. Кулагін
Каталіцкія храмы на Беларусі
Мінск, Беларуская Энцыклапедыя, 2000