> Гродзенская вобласць > Воранаўскі раён > вёска Тракелі > Касцёл Звеставання Найсвяцейшай Панне Марыі
Тракелі. Касцёл Звеставання Найсвяцейшай Панне Марыі
Тракелі. Касцёл Звеставання Найсвяцейшай Панне Марыі

Касцёл Звеставання Найсвяцейшай Панне Марыі | Тракелі

Выбраныя здымкі

Тракелі. Касцёл Звеставання Найсвяцейшай Панне Марыі

Бакавы фасад Фота © К. Шастоўскі |

Тракелі. Касцёл Звеставання Найсвяцейшай Панне Марыі

Галоўны алтар з каранаваным абразом \'Маці Божае Тракельскае\' Фота © К. Шастоўскі |

Тракелі. Касцёл Звеставання Найсвяцейшай Панне Марыі

Галоўны фасад касцёла ў Тракелях Фота © К. Шастоўскі |

Касцёл пабудаваны ў 1809 г. з дрэва на галоўнай вуліцы вёскі. У 1928 г. у час капітальнага рамонту сцены звонку і ўнутры ашаляваны, у 1950-я гады гонтавы дах заменены бляшаным, унутры сцены наноў ашаляваны ў 2002 г. Побач з касцёлам (на поўнач ад яго) стаяла драўляная двух'ярусная каркасная званіца.

Помнік народнага дойлідства з элементамі барока і класіцызму. Будынак касцёла складаецца з аднолькавых па вышыні зрубаў прытвора, асноўнай часткі і апсіды з бакавымі нізкімі сакрысціямі, якія ствараюць выцягнуты па цэнтральнай восі суцэльны манументальны аб'ём, накрыты агульным вальмавым дахам. 2 сакрысціі, прыбудаваныя ў месцы злучэння асноўнай і алтарнай частак, пластычна звязаны з імі двухсхільнымі дахамі. Шатровы дах прытвора завершаны маленькім купалам на гранёным барабане.

Інтэр'ер зальны. Столь плоская, у алтарнай частцы — цыліндрычнае скляпенне. Над уваходам хоры на 4 калонках. Драўляны алтар выкананы ў неабарочных формах. Шануецца цудатворны абраз "Маці Божая Тракельская".

Крыніца:
У.В. Алісейчык
Збор помнікаў гісторыі і культуры Беларусі. Гродзенская вобласць
Мінск, Беларуская Энцыклапедыя, 1986

Год пабудовы (перабудовы): 1809
Каардынаты:
54° 2'13.27"N, 25° 24'30.57"E

Фотагалерэі