> Гродзенская вобласць > Дзятлаўскі раён > вёска Горка > Могілкі старыя праваслаўныя. Капліца
Горка. Могілкі старыя праваслаўныя. Капліца
Горка. Могілкі старыя праваслаўныя. Капліца

Могілкі старыя праваслаўныя. Капліца | Горка

Выбраныя здымкі

Горка. Могілкі старыя праваслаўныя. Капліца

Каплічка. Праваруч ад яе - гаючыя камяні. Па паданнях вылечваюць хваробы Фота © Віталій |

Горка. Могілкі старыя праваслаўныя. Капліца

Гаючыя камяні. Калі пад імі прапаўзці ўсе хваробы пройдуць! Спрабаваў, не прайшлі. Пэўна трэба вельмі моцна верыць Фота © Віталій |

Горка. Могілкі старыя праваслаўныя. Капліца

Дарога на старыя могілкі на гары. Відаць адсюль і назва вёскі - Горка Фота © Віталій |

У Дзятлава трапілі ў другой палове дня. Надвор’е было як мінімум жорсткае. Снег мокры, заваленыя слізкія дарогі, шэрасць, а за вокнамі павінна быць вясна - усё ж такі канец сакавіка. Праўда, не наракаю, бо добрыя людзі сустрэлі, накармілі, і пачалі распавядаць пра сваю малую Радзіму.
Для кожнага яна можа быць рознай, але менавіта ў ёй жывуць вобразы нашага дзяцінства, вобразы, якія найбольш захоўваюцца ў памяці.

Мілая жанчына пачала расповяд з цуда, якое здарылася з ёй у в. Горкі, у месцы, якое называюць “пад камянямі”. На наступны дзень мы паехалі туды. Вось, што расказваюць мясцовыя жыхары. У гэтай вёсцы традыцыйна ёсць сталыя жыхары, царква, могілкі і - цудадзейныя камяні. Каб трапіць да іх трэба прайсці па шырокай дарозе побач з якой з дзвух бакоў месцяцца мясцовыя могілкі. Падымаешся на горку (адсюль, напэўна, і назва вёскі), цябе сустракае невялічкая драўляная каплічка блакітанаг колеру. Яна дагледжаная, у кветках, хай сабе і штучных, адчыненая для ўсіх. Менавіта ў каплічцы я пабачыла для сябе цуд. Але пакуль распавяду пра камяні. Гэта некалькі камянёў у выглядзе, умоўна кажучы аркі, але вельмі нізкай. Пад камянямі можна прапаўсці. Камні падобна пакінуў ледавік – яны магутныя, і трошку дзіўныя па складу. Каменная арка трымаецца можна сказаць на добрым слове. Паміж камянямі засохлае старое дрэва, і на камянях розная расліннасць. Яны пакрытыя мхом.

У вёсцы жыве жанчына, якая памятае і расказвае пра гэтыя камяні вельмі шмат. Ёй ужо за 80 гадоў. Яна кажа, што каменная арка калісьці была высокай, і праз яе мог праехаць чалавек на кані. Гэтыя камяні атрымалі добрую славу, бо прыносілі людзям выздараўленне ад хвароб. Трэба было ў гэта паверыць і праехаць пад камянямі тры разы з малітвай у сэрцы. Аднойчы, у чалавека захварэў сабака, і ён вырашыў вылечыць жывёлу праз камяні. Ён правёў сабаку тры разы і тады камяні абселі да росту сабакі. Таму зараз пад камянямі поўзаюць на каленях. Кажуць, што камяні прасядаюць, калі чалавек, што не верыць у іх цудадзейнасць, пралезе пад імі. А яшчэ, гавораць, што тыя хто быў побач з камянямі і казаў, што гэта выдумка пра іх цудадзейнасць – то іх скручвала ад хварбы, і пакуль яны не прасілі прабачыння ў камянёў хвароба не адступала. Пра самі камяні шмат напісана артыкулаў у газетах. Журналісты любяць такія гісторыі.

Так вось тая мілая жанчына з Дзятлава – атрымала вылечванне спіны пад камянямі, адступілі болі, якія раней яна магла зняць толькі моцнымі лекамі.

Калі вярнуліся назад у Дзятлава, адна дзяўчына набыла свежую Гродзенскую праўду - і што я ўбачыла, гартаючы старонкі – артыкул пра гэтыя камяні і пра вядомую жыхарку вёскі.

Але я хачу распавесці пра тое, што я ўбачыла ў каплічцы. Там знаходзяцца выявы на тэмы Новага запавету. Надрукаваныя на іх Ісус і святыя. Над выявай надрукаваны надпісы на царкоўна-славяскай мове, а ўнізе, часам не вельмі добра праглядаюцца па-беларуску – на тарашкевіцы. Напрыклад, “стрэчаньне”. Самі выявы ў старых рамах, пафарбаваныя алейнай фарбай, такія і сёння можна ўбачыць на вёсцы.

Пра выявы распавяла сябру. Ён, добры гісторык, мне адразу распавёў, што друкавалі такія выявы ў Вільні, у друкарні імя Ф. Скарыны ў міжваенны час. А выдавала іх таварыста праваслаўных беларусаў. А потым мне паказаў кніжку ў электронным выглядзе з гэтымі выявамі. Вось такое маленькае супадзенне, якое мне падалося невялікім цудам.

Горкі, Дзятлаўскі раён
Таня Казак

Каардынаты:
53° 17'24.28"N, 25° 30'20.19"E

Фотагалерэі