> Брэсцкая вобласць > Баранавіцкі раён > мястэчка Новая Мыш > Царква Праабражэння Гасподняга
Новая Мыш. Царква Праабражэння Гасподняга
Новая Мыш. Царква Праабражэння Гасподняга

Царква Праабражэння Гасподняга | Новая Мыш

Выбраныя здымкі

Новая Мыш. Царква Праабражэння Гасподняга

Праабражэнская царква ў Новай Мышы Фота © К. Шастоўскі | Дата: 09/03/2013

Новая Мыш. Царква Праабражэння Гасподняга

Інтэр'ер, фрагмент Фота © radziwill.by | Дата: 09/03/2013

Новая Мыш. Царква Праабражэння Гасподняга

Фрагмент Фота © Анатоль Шэршнеў | Дата: 09/03/2013

Праабражэнская царква ў Новай Мышы

Царква пабудавана ў 1859 г. з дрэва на цэнтральнай плошчы вёскі побач з касцёлам. Акаймавана агароджай з 3-пралётнай арачнай брамай і старымі пасадкамі ліпы.

Помнік архітэктуры рэтраспектыўна-рускага стылю. Адносіцца да тыпу цэнтрычных крыжова-купальных храмаў, зрублена на высокім каменным падмурку. Асноўны кубападобны аб'ём пад 4-схільным дахам, завершаным пяццю 8-граннымі 2-яруснымі барабанамі з шатровымі вярхамі і цыбулепадобнымі купаламі. Грані барабанаў аформлены кілепадобнымі какошнікамі. Бакавыя прыдзелы завершаны 2-граннымі шчыпцамі і прарэзаны здвоенымі аконнымі праёмамі з каляровымі вітражамі. Гарызантальна ашаляваныя фасады акаймаваны шырокімі вуглавымі лапаткамі і вялізным карнізам (2-ярусным у цэнтральным зрубе), прарэзаны высокімі прамавугольнымі аконнымі праёмамі ў разных ліштвах з мудрагелістым арнаментам у завяршэнні. Галоўны ўваход з заходняга боку адзначаны высокай паперцю з лесвічным каскадам. Бакавы ўваход з боку плошчы (паўночны фасад) вырашаны нізкім прытворам з паўвальмавым дахам і макаўкай на вільчыку. Званіца створана ў адным з вуглавых барабанаў даху.

У інтэр'еры дамінуе прастора цэнтральнай малітоўнай залы, у якую адкрываецца светлавы 8-гранны барабан, падтрыманы магутнымі рыгелямі і 4 крыжовымі ў сячэнні ўстоямі. Бакавыя прыдзелы, апсіда і прытвор адкрываюцца ў асноўны аб'ём шырокімі праёмамі са скошанымі верхнімі вугламі. У дэкоры інтэр'ера выкарыстаны прамавугольныя і фігурныя філёнгі ў фрызавай частцы. Апсіда вылучана драўляным 1-ярусным белапазалочаным іканастасам 2-й палавіны 19 ст.

Крыніца:
А.М. Кулагін
Праваслаўныя храмы на Беларусі
Мінск, Беларуская Энцыклапедыя, 2001

Год пабудовы (перабудовы): 1859
Каардынаты:
53° 8'15.13"N, 25° 54'29.16"E

Фотагалерэі