Выбраныя здымкі
Фота © Галина Рачко | Дата: 11.08.2018
Мікалаеўская царква ў Лагойску Фота © Уладзімір Гваздзецкі | Дата: 08/07/2013
Мікалаеўская царква ў Лагойску, агульны выгляд Фота © Друпаў Аляксей | Дата: 11.12.09
Помнік архітэктуры рэтраспектыўна-рускага стылю. Пабудавана з цэглы ў 1866 годзе у Лагойску (цяпер на вул. Савецкай) на правым беразе р. Гайна, перабудавана ў 2-й палове 19 ст. У плане мае традыцыйную 4-часткавую працяглую па восі ўсход-захад кампазіцыю: 4-ярусная звоніца, трапезная, асноўны аб’ём, 5-гранная апсіда з бакавымі рызніцамі. Стрыманы дэкор помніка ўключае ордэрную пластыку, прафіляваныя карнізы. Сцены раскрапаваны вуглавымі лапаткамі і арачнымі аконнымі праёмамі. Галоўныя дамінанты – 8-гранная званіца і барабан, якім завершаны асноўны аб’ём, маюць аднолькавую архітэктурна-канструкцыйную схему (васьмярык на чацверыку), а таксама шатровыя дахі, што надае суцэльнасць агульнаму архітэктурнаму вобразу. У інтэр’еры цэнтральны аб’ём перакрыты ветразевымі скляпеннямі на 4 слупах.
Крыніца:
Г.А. Лаўрэцкі. З кн.: Архітэктура Беларусі: Энцыкл. давед. / Беларус. Энцыкл.; Рэдкал.: А.А. Воінаў і інш. – Мінск: БелЭн, 1993. - С. 259