Выбраныя здымкі
Фота © Виктор | Дата: 01.10.2011
Інтэр\'ер Фота © К. Шастоўскі | Дата: 01.10.2011
Галоўны фасад Фота © К. Шастоўскі | Дата: 01.10.2011
Уніяцкая царква Прасв. Тройцы быа пабудавана каля 1772 г. на месцы папярэдняга ўніяцкага храма, вядомага з 1713 г. Дзейнічае як праваслаўная. Прастольнае свята - Дзень Прасвятой Тройцы.
Гэты помнік народнага драўлянага дойлідства мае чатырохчасткавую аб'ёмна-прасторавую кампазіцыю: двух'ярусная шатровая званіца (чацвярык на чацверыку), прамавугольны ў плане бабінец, кубападобны асноўны аб'ём, прамавугольная апсіда з бакавой прыбудовай. Шацёр званіцы і двухсхільны дах апсіды завершаны цыбулепадобнымі макаўкамі. Асноўны аб'ём накрыты двухсхільным дахам, яго бакавыя фасады расчлянёны вертыкальнымі брусамі-сцяжкамі і лучковымі аконнымі праёмамі. Гарызантальна ашаляваныя сцены дэкарыраваны аркатурнымі фрызамі. Пазбаўлены дэкору інтэр'ер мае выразную прасторавую арганізацыю за кошт узаемасувязі рознавялікіх памяшканняў.
Царква агароджана бутавай сцяной з брамай, завершанай фігурным франтонам.
Гэты помнік народнага драўлянага дойлідства мае чатырохчасткавую аб'ёмна-прасторавую кампазіцыю: двух'ярусная шатровая званіца (чацвярык на чацверыку), прамавугольны ў плане бабінец, кубападобны асноўны аб'ём, прамавугольная апсіда з бакавой прыбудовай. Шацёр званіцы і двухсхільны дах апсіды завершаны цыбулепадобнымі макаўкамі. Асноўны аб'ём накрыты двухсхільным дахам, яго бакавыя фасады расчлянёны вертыкальнымі брусамі-сцяжкамі і лучковымі аконнымі праёмамі. Гарызантальна ашаляваныя сцены дэкарыраваны аркатурнымі фрызамі. Пазбаўлены дэкору інтэр'ер мае выразную прасторавую арганізацыю за кошт узаемасувязі рознавялікіх памяшканняў.
Царква агароджана бутавай сцяной з брамай, завершанай фігурным франтонам.
Крыніца:
А.М. Кулагін
Праваслаўныя храмы на Беларусі
Мінск, Беларуская Энцыклапедыя, 2001