> Мінская вобласць > Нясвіжскі раён > фальварак Сноў Горны (Сноў) > Царква Святых Космы і Даміяна
Сноў Горны (Сноў). Царква Святых Космы і Даміяна
Сноў Горны (Сноў). Царква Святых Космы і Даміяна

Царква Святых Космы і Даміяна | Сноў Горны (Сноў)

Год пабудовы (перабудовы): 1836, 1893
Каардынаты:
53° 12'59.43"N, 26° 25'4.54"E

Фотагалерэі

Выбраныя здымкі

Сноў Горны (Сноў). Царква Святых Космы і Даміяна

Царква Святых Космы і Даміяна ў Снове Фота © К. Шастоўскі | Дата: 13/10/2013

Сноў Горны (Сноў). Царква Святых Космы і Даміяна

Снов (церковь св. Козьмы и Демьяна 1836г.) Фота © Кузіч Мікола | Дата: 25.09.2010

Сноў Горны (Сноў). Царква Святых Космы і Даміяна

Галоўны фасад Фота © К. Шастоўскі | Дата: 01/07/2006

Царква стаіць на старажытных могілках, на высокім узгорку. У 1769 г. на могілках па загаду Яна Рдултоўскага (уладальніка Горнага Снова) была ўзведзена драўляная капліца Пятра і Паўла. У 1836 г. на месцы капліцы, якая згарэла, па загаду Казіміра Рдултоўскага пабудавана мураваная царква Пятра і Паўла. У 1893 г. пры новых уладальніках в. Горны Сноў Гартынгах царква была перабудавана і атрымала назву Казьмы і Дзям'яна.

Царква прамавугольная ў плане. Усходні тарэц завяршаецца трохграннай сцяной, дзе размешчана алтарная частка. На галоўным фасадзе (заходні тарэц) выступае арачны партал са званіцай на другім ярусе, якія былі прыбудаваны пазней. Храмавы аб'ём вырашаны ў традыцыях позняга класіцызму, галоўны фасад мае эклектычны характар, што характэрна для архітэктуры канца 19 ст.

Уваход у храм раскрываецца 3 аркамі: высокай сярэдняй (насупраць дзвярнога праёма) і бакавымі вузкімі, якія апіраюцца на масіўныя слупы-асновы. Сцяна другога паверха (званіцы з арачным праёмам) завяршаецца невысокім трохвугольным франтонам. Над званіцай стылізаваная вежа з двух аб'ёмаў. Сцены званіцы і вежы над ёй фланкіруюць калонкі са стылізаванымі капітэлямі.

Сцены бакавых фасадаў тонкім карнізным паяском падзелены на 2 гарызантальныя ярусы. Верхні рытмічна падзелены 3 высокімі арачнымі вокнамі, над якімі трохвугольныя сандрыкі, што абапіраюцца на тонкія лапаткі са стылізаванымі капітэлямі.

У інтэр'еры храма вылучаецца высокая залавая прастора. Перакрыцце плоскае драўлянае. Пры ўваходзе — галерэя хораў. Кампазіцыйным цэнтрам інтэр'ера з'яўляецца чатырох'ярусны драўляны іканастас 18 ст. Завяршае іканастас ажурная драўляная разьба ў выглядзе завіткоў барочнай формы. Царскія вароты маюць скразную разьбу, пакрытую пазалотай. На створках варот размешчаны невялікія круглыя абразы Лукі, Іаана, Марка і Матфея. Іканастас царквы з'яўляецца помнікам архітэктуры малых форм (разьба па дрэве і жывапіс, характэрныя для стылю барока).

Крыніца:
Т.І. Чарняўская
Памяць. Нясвіжскі раён
Мінск, Белта, 2001