> Мінская вобласць > Нясвіжскі раён > фальварак Сноў Горны (Сноў) > Сядзібна-паркавы ансамбль Гартынгаў
Сноў Горны (Сноў). Сядзібна-паркавы ансамбль Гартынгаў
Сноў Горны (Сноў). Сядзібна-паркавы ансамбль Гартынгаў

Сядзібна-паркавы ансамбль Гартынгаў | Сноў Горны (Сноў)

Выбраныя здымкі

Сноў Горны (Сноў). Сядзібна-паркавы ансамбль Гартынгаў

Сядзібны дом Гартынгаў у Горным Снове Фота © К. Шастоўскі | Дата: 13/10/2013

Сноў Горны (Сноў). Сядзібна-паркавы ансамбль Гартынгаў

Горны Сноў Фота © Manka Sierakowska | Дата: ca. 1930

Сноў Горны (Сноў). Сядзібна-паркавы ансамбль Гартынгаў

Сядзібны дом Гарцінгаў у Горынм Снове Фота © Шамкаловіч Ю. | Дата: ca. 1930

Горны Сноў Гартынгаў

Горны Сноў з'яўляўся адным з фальваркаў Рдултоўскіх. У 1854 г. фальварак перайшоў да барона Густава Гартынга. Потым ім валодалі яго сын Міхаіл і ўнук Генрых. Сядзіба пабудавана ў сярэдзіне 19 ст. Густавам Гартынгам. У канцы 19 ст. ці пачатку 20 ст. перабудавана. Захаваліся мураваны двухпавярховы сядзібны дом, часткова парк і гаспадарчыя пабудовы. Да канца 2000-х у сядзібным доме была размешчана Сноўская ўчастковая бальніца, а цяпер будынак стаіць замкнёны.

Першапачаткова сядзібны дом быў двухпавярховы (з трэцім цокальным паверхам) мураваны будынак, прамавугольны ў плане, з невысокім аднапавярховым тамбурам. У пачатку 20 ст. да асноўнага корпуса прыбудавана аднапавярховае крыло з шырокай адкрытай верандай (у 1960-я гады веранда закрыта мураванымі сценамі). Галоўны фасад мае асіметрычную кампазіцыю. Асноўны дэкаратыўны акцэнт яго — 4 высокія (на вышыню паверхаў) пілястры, якія размешчаны ў прасценках паміж вокнаў.

Бакавы фасад (дзе прыбудавана крыло з цокальным паверхам) вырашаны асіметрычна — прарэзаны 3 прамавугольнымі вокнамі і дэкараваны гарызантальным рустам. Завершаны фасад трохвугольным шчытом з паўкруглым акном у цэнтры (як і на галоўным фасадзе). Аднолькавае вырашэнне бакавога і галоўнага фасадаў надае цэласнасць архітэктурнай кампазіцыі пабудовы.

Унутраная планіроўка будынка калідорная і анфіладная. У адным з пакояў у бакавым крыле захаваўся кафляны камін (вышыня каля 4 м), дэкараваны арнаментам з лісцяў лотаці, які характэрны для архітэктуры мадэрна. Сядзібны дом — помнік архітэктуры класіцызму з элементамі эклектыкі і мадэрна.

Сядзібны парк парушаны пазнейшымі гаспадарчымі пабудовамі і новымі пасадкамі. Закладзены ў сярэдзіне 19 ст., меў рысы рэгулярнага стылю, у пачатку 20 ст. набыў маляўнічы пейзажны выгляд. Займае пакаты схіл, у цэнтральнай частцы якога вылучаюцца 3 тэрасы. На верхняй 3 баскеты з садам, якія акружаюць алеі з арэшніка і яліны (захавалася алея з граба). На другой тэрасе сядзібны дом. Да яго галоўнага фасада вядзе ўязная алея з ліпы, цяпер падсаджаны каштан конскі. Трэцяя тэраса пачынаецца за сядзібным домам, пейзажнай планіроўкі. Тут сустракаюцца ядловец пірамідальны, яліна блакітная, абляпіха, жасмін, ружы і інш. Тэрыторыю парка акружае алея з арэшніка.

Крыніца:
Т.І. Чарняўская
Памяць. Нясвіжскі раён
Мінск, Белта, 2001

Год пабудовы (перабудовы): XIX
Каардынаты:
53° 12'54.35"N, 26° 25'8.02"E

Фотагалерэі