Выбраныя здымкі
Агульны выгляд Фота © К. Шастоўскі |
Інтэр\'ер. Фрагмент Фота © К. Шастоўскі |
Галоўны фасад Фота © Ціжоўка Алег (bystar) |
Царква пабудавана ў 1826 г. з драўлянага бруса ў цэнтры вёскі на месцы храма, які згарэў у 1820 г. Капітальна адрамантавана ў 1873 г. на сродкі прыхаджан і казны (5975 руб.). Прастольнае свята — Дзень Прасвятой Тройцы.
Помнік архітэктуры позняга класіцызму. Планіровачна вырашана прамавугольным зрубам, да якога далучана падоўжная 5-гранная апсіда з бакавымі рызніцамі. Вынас 2-схільнага даху на галоўным фасадзе аформлены 3-вугольным франтонам на 2 парах мураваных калон, што ўтварае класіцыстычны порцік. Над ім надбудавана 2-ярусная (васьмярык на чацверыку) званіца, накрытая сплюснутым сферычным купалам са шпілем у завяршэнні. Па цэнтры асноўнага аб'ёму ўзведзены магутны 8-гранны светлавы барабан, накрыты звонападобным купалам. Гарызантальна ашаляваныя фасады апяразаны карнізам з сухарыкамі і арнаментальным фрызам геаметрычнага малюнку, прарэзаны прамавугольнымі аконнымі праёмамі і 8-граннымі люкарнамі.
Зала храма 4 парамі цагляных калон падзелена на 3 рознавялікія нефы. Над вылучаным перагародкай прытворам размешчаны хоры, што падтрымліваюцца 2 мураванымі калонамі. Плоская столь па цэнтры раскрыта ў светлавы барабан, перакрыты пірамідальным гранёным шатром. Аснаванне барабана апяразана абхадной галерэяй з трыльяжнай драўлянай агароджай. Грані барабана прарэзаны арачнымі аконнымі праёмамі, размежаванымі пілястрамі, дэкараванымі ўнізе 8-граннымі панэлямі. Апсіда адкрываецца ў залу фігурнай фестоннай аркай, адмежавана 2-ярусным драўляным іканастасам у 15 абразоў, выкананым у неарускім стылі пачатку 20 ст.
Помнік архітэктуры позняга класіцызму. Планіровачна вырашана прамавугольным зрубам, да якога далучана падоўжная 5-гранная апсіда з бакавымі рызніцамі. Вынас 2-схільнага даху на галоўным фасадзе аформлены 3-вугольным франтонам на 2 парах мураваных калон, што ўтварае класіцыстычны порцік. Над ім надбудавана 2-ярусная (васьмярык на чацверыку) званіца, накрытая сплюснутым сферычным купалам са шпілем у завяршэнні. Па цэнтры асноўнага аб'ёму ўзведзены магутны 8-гранны светлавы барабан, накрыты звонападобным купалам. Гарызантальна ашаляваныя фасады апяразаны карнізам з сухарыкамі і арнаментальным фрызам геаметрычнага малюнку, прарэзаны прамавугольнымі аконнымі праёмамі і 8-граннымі люкарнамі.
Зала храма 4 парамі цагляных калон падзелена на 3 рознавялікія нефы. Над вылучаным перагародкай прытворам размешчаны хоры, што падтрымліваюцца 2 мураванымі калонамі. Плоская столь па цэнтры раскрыта ў светлавы барабан, перакрыты пірамідальным гранёным шатром. Аснаванне барабана апяразана абхадной галерэяй з трыльяжнай драўлянай агароджай. Грані барабана прарэзаны арачнымі аконнымі праёмамі, размежаванымі пілястрамі, дэкараванымі ўнізе 8-граннымі панэлямі. Апсіда адкрываецца ў залу фігурнай фестоннай аркай, адмежавана 2-ярусным драўляным іканастасам у 15 абразоў, выкананым у неарускім стылі пачатку 20 ст.
Крыніца:
А.М. Кулагін
Каталіцкія храмы на Беларусі
Мінск, Беларуская Энцыклапедыя, 2000