Царква Праабражэння Гасподняга | Даўбені

Больш фотаздымкаў (5) >>

Пабудавана на ўсходняй ускраіне вёскі ў 1869 г. з бутавага каменю. Адрэстаўрывана.

Помнік архітэктуры псеўда-рускага стылю. Будынак 4-часткавай аб'ёмна-прасторавай кампазіцыі: 3-ярусная вежа-званіца (васьмярык на 2 чацверыках), невялікая трапезная, кубападобная малітоўная зала, паўцыркульная апсіда. Фасады расчлянёны адзінарнымі і здвоенымі лучковымі аконнымі праёмамі. Цыбулепадобныя галоўкі ў завяршэнні дахаў асноўнага аб'ёму і званіцы не захаваліся. Архітэктура фасадаў заснавана на спалучэнні бутавай муроўкі і атынкаваных элементаў дэкору (вуглавыя лапаткі, карнізы, плоскасныя ліштвы аконных праёмаў).

Крыніца:
А.М. Кулагін
Праваслаўныя храмы на Беларусі
Мінск, Беларуская Энцыклапедыя, 2001