> Мінская вобласць > Валожынскі раён > мястэчка Ракаў > Касцёл Святой Ганны. Каталіцкія могілкі
Ракаў. Касцёл Святой Ганны. Каталіцкія могілкі
Ракаў. Касцёл Святой Ганны. Каталіцкія могілкі

Касцёл Святой Ганны. Каталіцкія могілкі | Ракаў

Выбраныя здымкі

Ракаў. Касцёл Святой Ганны. Каталіцкія могілкі

Касьцёл Сьв. Ганны Фота © К. Шастоўскі |

Ракаў. Касцёл Святой Ганны. Каталіцкія могілкі

Агульны выгляд Фота © Грода Надзея |

Ракаў. Касцёл Святой Ганны. Каталіцкія могілкі

Радавыя могілкі Фота © К. Шастоўскі |

Пабудаваны ў 1830 г. з цэглы на ўсходняй ускраіне вёскі, на каталіцкіх могілках. Пры ўваходзе на могілкі па восі капліцы размешчана брама-званіца — 3-пралётная арка з цэнтральным лучковым праездам і 2-арачным ярусам-звонам.

Помнік эклектычнай архітэктуры з элементамі неаготыкі і класіцызму. Прамавугольнае ў плане збудаванне з паўкруглай апсідай накрыта 2-схільным дахам. Галоўны фасад вылучаны паўцыркульным уваходным парталам, завершаны 3-вугольным франтонам з чацверыковай сігнатуркай і вуглавымі пінаклямі; у тымпане — круглая люкарна-ружа. Карніз расчлянёны стральчатай аркай уваходнага партала. Сцены аздоблены гранёнымі пілонамі (вуглавыя завершаны пінаклямі), расчлянёны пілястрамі ў прасценках паўцыркульных аконных праёмаў.

У інтэр'еры зала перакрыта плоскай столлю на падугах. У паўкруглую прастору апсіды ўпісана трапецападобная алтарная частка, за якой знаходзіцца паўкруглая сакрысція. Над уваходам хоры на 2 слупах з бакавой вітой лесвіцай. Пад алтаром — крыпта.

Сярод старых шляхецкіх пахаванняў знаходзіцца магіла беларускага кампазітара Грушвіцкага Міхаіла Рудольфавіча. М.Р. Грушвіцкі нарадзіўся 29.11.1828 г. у в. Выганічы (сёння вёска ў Валожынскім раёне) ў сям'і старшыні Менскага межавога суда. Скончыў Дваранскі інстытут у Вільні. Вучыўся ў Пецярбургскім універсітэце, які з-за хваробы вымушаны быў пакінуць. Напісаў кантаты паводле паэмы А. Міцкевіча «Дзяды» і твораў У. Сыракомлі. Выступаў з аўтарскімі канцэртамі ў Менску. Апошнія гады пражыў у Ракаве. Міхаіл Грушвіцкі памёр 5.3.1904 г. У пачатку 20 ст. на магіле быў усталяваны помнік — крыж з пясчаніка на мармуровым пастаменце.

Крыніца:
А.М. Кулагін
Каталіцкія храмы на Беларусі
Мінск, Беларуская Энцыклапедыя, 2000

І.І. Янушкевіч
Збор помнікаў гісторыі і культуры Беларусі. Мінская вобласць
Мінск, Беларуская Энцыклапедыя, 1988

Паведамленні

Год пабудовы (перабудовы): 1830
Каардынаты:
53° 57'58.49"N, 27° 4'8.21"E

Фотагалерэі