Выбраныя здымкі
Бакавы фасад Фота © К. Шастоўскі |
Галоўны фасад Фота © К. Шастоўскі |
Агульны выгляд Фота © К. Шастоўскі |
Храм быў асвечаны ў імя святых вялікіх цароў і раўнаапосталаў Канстанціна і Алены 18 ліпеня 1866 году. У 1875 годзе пры Свята-Канстанціа-Алененскай царкве існавала багадзельня.
У 1876 годзе царква была капітальна адрамантавана, пасля чаго быў распачаты збор ахвяраванняў на ўпарадкаванне храму. У 1886 годзе на сабраныя сумы ўся ўнутраная сярэдняя частка храма была абшытая дошкамі і памалявана алейнай фарбай. На столі над пасадам была зроблена размалёўка, у выглядзе голуба ў ззянні, што уяўляў Святога Духа. Пад купалам іканапісец намаляваў Нерукатворнае аблічча Спаса з двума херувімамі па бакам Яго.
Пасля пачатку другой сусьветнай вайны набажэнствы ў храме працягваліся. Служыў тут падчас вайны пробашч Міхаіл Бубен. У 1951 годзе Міхаіл Бубен быў асуджаны да вялікага тэрміну пазбаўлення волі. Апасля, як пазапраўна рэпрэсіраваны, ён быў рэабілітаваны.
Падчас другой сусьветнай вайны царква не была пашкоджана, і набажэнствы ў ёй працягваліся. У 1991 годзе царкоўны прыход увабраў 26 населеных пунктаў, з якіх да самога далёкага было 17 кіламетраў.
Царква знаходзіцца ў паўночнай частцы сучаснага Валожына. Дыхтоўна пабудаваны з дрэва царкоўны будынак добра захоўваецца. Апошні капітальны рамонт рабіўся ў 1989 годзе. Падлога у храме драўляная, дах крыты бляхай.
Іканастас двух'ярусны: на першым паверсе змешчаны чатыры абразы, на другім - шэсць. Унутраныя сцены пафарбаваны алейнай фарбай і часткова распісаны. На званіцы, што размяшчаецца ў франтоннай частцы царкоўнага будынку - пяць званоў вагай ад 25 да 380 кг. Тры з іх былі набытыя намаганнямі пробашча Дзімітрыя Агневіча ў 1989 годзе.
На царкоўным цвінтары захоўваюцца пахаванні чатырох пробашчаў, пяці матухнаў і трох настаўніц царкоўна-прыхадской школы. Цвінтар абнесены моцнай каменнай агароджай. У межах прыходу 15 могільнікаў, на адным з якіх захавалася могілкавая капліца, вядомая, як Спаса-Прэабражэнская Валожынска-Капусцінская.
На царкоўным цвінтары з боку абсіды храму пабудавана плябань. Клір царкоўны складаюць пробашч і псаломшчык. За набажэнствамі спявае сталы царкоўны хор з 10 чалавек. Парафіяне адмыслова шануюць урачысты дзень Божага Ператварэння, дзень памяці свв. Космы і Даміана (14 лістапада), свята св. Параскевы (1 лістапада) і прэстольнае свята (3 чэрвеня). У гэтыя дні адбываюцца хросныя хады, водасвяцці, служацца набажэнствы.
У 1876 годзе царква была капітальна адрамантавана, пасля чаго быў распачаты збор ахвяраванняў на ўпарадкаванне храму. У 1886 годзе на сабраныя сумы ўся ўнутраная сярэдняя частка храма была абшытая дошкамі і памалявана алейнай фарбай. На столі над пасадам была зроблена размалёўка, у выглядзе голуба ў ззянні, што уяўляў Святога Духа. Пад купалам іканапісец намаляваў Нерукатворнае аблічча Спаса з двума херувімамі па бакам Яго.
Пасля пачатку другой сусьветнай вайны набажэнствы ў храме працягваліся. Служыў тут падчас вайны пробашч Міхаіл Бубен. У 1951 годзе Міхаіл Бубен быў асуджаны да вялікага тэрміну пазбаўлення волі. Апасля, як пазапраўна рэпрэсіраваны, ён быў рэабілітаваны.
Падчас другой сусьветнай вайны царква не была пашкоджана, і набажэнствы ў ёй працягваліся. У 1991 годзе царкоўны прыход увабраў 26 населеных пунктаў, з якіх да самога далёкага было 17 кіламетраў.
Царква знаходзіцца ў паўночнай частцы сучаснага Валожына. Дыхтоўна пабудаваны з дрэва царкоўны будынак добра захоўваецца. Апошні капітальны рамонт рабіўся ў 1989 годзе. Падлога у храме драўляная, дах крыты бляхай.
Іканастас двух'ярусны: на першым паверсе змешчаны чатыры абразы, на другім - шэсць. Унутраныя сцены пафарбаваны алейнай фарбай і часткова распісаны. На званіцы, што размяшчаецца ў франтоннай частцы царкоўнага будынку - пяць званоў вагай ад 25 да 380 кг. Тры з іх былі набытыя намаганнямі пробашча Дзімітрыя Агневіча ў 1989 годзе.
На царкоўным цвінтары захоўваюцца пахаванні чатырох пробашчаў, пяці матухнаў і трох настаўніц царкоўна-прыхадской школы. Цвінтар абнесены моцнай каменнай агароджай. У межах прыходу 15 могільнікаў, на адным з якіх захавалася могілкавая капліца, вядомая, як Спаса-Прэабражэнская Валожынска-Капусцінская.
На царкоўным цвінтары з боку абсіды храму пабудавана плябань. Клір царкоўны складаюць пробашч і псаломшчык. За набажэнствамі спявае сталы царкоўны хор з 10 чалавек. Парафіяне адмыслова шануюць урачысты дзень Божага Ператварэння, дзень памяці свв. Космы і Даміана (14 лістапада), свята св. Параскевы (1 лістапада) і прэстольнае свята (3 чэрвеня). У гэтыя дні адбываюцца хросныя хады, водасвяцці, служацца набажэнствы.