Выбраныя здымкі
Будынак былога ешыботу ў Валожыне Фота © Уладзімер Ткачэнка |
Бакавы фасад Фота © К. Шастоўскі |
Мэмарыяльная шыльда Фота © К. Шастоўскі |
Ешыбот у Валожыну заснаваў у 1803 г. Рэм Хаім Валожынскі. Функцыянаваў амаль да другой сусьветнай вайны. Гэта быў галоўны і самы вялікі ешыбот на тэрыторыі Літвы, Беларусі й Расеі. Вылучаўся вялікай колькасьцю вучняў і высокай якасьцю навучаньня. За аўтарытэт мясцовых тальмудыстаў царская адміністрацыя прызнавала Валожын за цэнтар юдаізму ўсей Расейскай імпэрыі. Сярод габрэяў Валожын называўся літоўскім Ерусалімам. Сюды прыяжджалі вучыцца габрэі з усяго сьвету: Эўропы, Амэрыкі й нават Японіі. Адсюль выходзілі вялікія габрэйскія пісьменьнікі, рабіны, палітыкі й вучоныя. Назву "Валожынская" мае адна з галоўных сінагог Нью-Ёрку.
Будынак ешыботу быў пабудаваны ў 1806 г. Знаходзіцца за 100 мэтраў ад былой Рынкавай плошчы. Найбольшую цікавасьць мае ўсходні фасад, дзе вылучаецца цэнтральная частка зь дзьвума вітымі калёнамі. Пасьля вайны будынак быў прыстасаваны пад рэстаран, потым да 2000 г. тут была кулінарыя.
У 1998 г. Валожын наведаў былы прэм'ер Ізраілю Шымон Пэрэс - выхадзец зь мястэчка Вішнеў, што каля Валожына. У ходзе візіту была дасягнута дамоўленасьць аб рэканструкцыі будынка да 2006 г., калі яму будзе 200 гадоў.
Будынак ешыботу быў пабудаваны ў 1806 г. Знаходзіцца за 100 мэтраў ад былой Рынкавай плошчы. Найбольшую цікавасьць мае ўсходні фасад, дзе вылучаецца цэнтральная частка зь дзьвума вітымі калёнамі. Пасьля вайны будынак быў прыстасаваны пад рэстаран, потым да 2000 г. тут была кулінарыя.
У 1998 г. Валожын наведаў былы прэм'ер Ізраілю Шымон Пэрэс - выхадзец зь мястэчка Вішнеў, што каля Валожына. У ходзе візіту была дасягнута дамоўленасьць аб рэканструкцыі будынка да 2006 г., калі яму будзе 200 гадоў.