> Мінская вобласць > Валожынскі раён > мястэчка Вішнева > Царква Святых Космы і Даміяна
Вішнева. Царква Святых Космы і Даміяна
Вішнева. Царква Святых Космы і Даміяна

Царква Святых Космы і Даміяна | Вішнева

Год пабудовы (перабудовы): 1865
Каардынаты:
54° 8'29.11"N, 26° 12'48.59"E

Фотагалерэі

Выбраныя здымкі

Вішнева. Царква Святых Космы і Даміяна

Бакавы фасад Фота © Ціжоўка Алег (bystar) |

Вішнева. Царква Святых Космы і Даміяна

Галоўны фасад Фота © К. Шастоўскі |

Вішнева. Царква Святых Космы і Даміяна

Від ад касьцёлу Фота © К. Шастоўскі |

Надзвычай маляўніча, у арганічным адзінстве з рэльефам узнёслага левага берага р. Альшанка пастаўлена "бутавая" Казьма-Дзям'янаўская царква ў м. Вішнева, акаймаваная нізкай бутавай агароджай з дзвюма брамамі і старымі ліпавымі прысадамі.

Дата на галоўным фасадзе паведамляе, што храм пабудаваны ў 1865 г. Помнік архітэктуры псеўда-рускага стылю вырашаны па канону чатырохчасткавай аб'ёмна-прасторавай кампазіцыі. Па падоўжнай планіровачнай восі размешчаны трох'ярусная васьмерыковая шатровая вежа-званіца (атынкавана), нізкая і вузкая трапезная, кубападобны аб'ём малітоўнай залы і прамавугольная апсіда. Асноўны двух'ярусны аб'ём (васьмярык на чацверыку) накрыты чатырохсхільным дахам з цыбулепадобнай галоўкай на барабане; такая ж — над высокім шатром званіцы. Галоўны і бакавыя ўваходы вырашаны арачнымі парталамі з кілепадобнымі ліштвамі. Сцены дэкарыраваны атынкаванымі вуглавымі лапаткамі (цагляныя рэбры цвёрдасці), акаймаваны прафіляванымі карнізамі і аркатурна-зубчатымі фрызамі, вылучанымі сваёй белізной на паліхромным фоне бутавай муроўкі (швы тынкоўкі дэкарыраваны дробнакерамічнай мазаікай). Здвоеныя аконныя праёмы аб'яднаны арачнымі ліштвамі. На фоне бутавая муроўкі тарцовай сцяны апсіды вылучаецца белізной рэльефны праваслаўны крыж.

Унутры кубападобная са зрэзанымі вугламі малітоўная зала перакрыта корабавым скляпеннем з квадратным плафонам, з якога звісае каванае панікадзіла. У прастору залы шырокімі (метровымі) адхіламі адкрываюцца бакавыя ўваходныя праёмы і здвоеныя бакавыя арачныя вокны-біфорыумы. У залу выступаюць кансольна навешаныя драўляныя хоры, абмежаваныя разной балюстрадай. Шырокая апсідная арка закрыта ўзнятым на двухступеньчатую салею трох'ярусным пірамідальнай кампазіцыі драўляным іканастасам на дзевяць абразоў і з царскімі варотамі ажурнай драўлянай разьбы з чатырма абразамі - тонда евангелістаў. Вузкая трапезная адкрыта ў залу шырокім арачным прасветам і перакрыта плоскай столлю і асветлена дзвюма бакавымі арачнымі вокнамі; у прытворы — адкрытая лесвіца на званіцу, а пад будынкам — скляпеністыя сутарэнні.

Крыніца:
А.М. Кулагін
Эклектыка
Мінск, Ураджай, 2000

Паведамленні