Выбраныя здымкі
Фота © Валерий НИКИФОРОВ | Дата: июнь 2018 г.
Фелікс Янушкевіч праводзіць экскурсію Фота © Марина | Дата: июнь 2018 г.
Помнік князю Вітаўту Фота © Сяргей Валахановiч | Дата: июнь 2018 г.
Прыватная галерэя Фэлікса Янушкевіча, ўсяго за якіх 35 км ад Менска, быццам бы пераносіць у іншы сусьвет, або прынамсі ў іншую краіну - у Беларусь без знаку расейска-савецкай уніфікацыі. Зусім непадобнае гэта месца й на традыцыйна-нудныя бел.сав. краязнаўчыя музэі, зацыкленыя на прыгонна-калгаснай "этнакультуралёгіі". Жыцьцё старасьвецкай шляхты і дробнай местачковай буржуазіі паўстае ва ўтульных пакоях раздзіннага дому Янушкевічаў як жывое. Стары посуд, мэбля, адзеньне, музычныя інструменты, карціны й абразы, і безліч небанальных апавяданьняў пра мінулае мястэчка, здаўна вядомага як сталіца злодзеяў, канакрадаў ды кантрабандыстаў. 25 хвілін язды ад шумнага і бесталковага мегаполіса - вартыя таго, што вы ўбачыце ды пачуеце!
Галерэя мае назву “Янушкевічы” – паводле прозьвішча заснавальнікаў скульптара Валяр'яна і жывапісца Фэлікса Янушкевіча, а таксама іхных братоў. Агульная плошча рознаўзраўневага будынку каля пяцісот квадратных мэтраў. Фэлікс Янушкевіч кажа, што спатрэбілася дзесяць гадоў, каб скончыць будоўлю галерэі. Уласна, калекцыя пачала зьбірацца яшчэ ў 1970-х гадах. Прычым стваральнікі маюць магчымасьць прадэманстраваць толькі траціну сваёй калекцыі.
Наведнік праходзіць празь некалькі заляў, дзе бачыць скульптуры і карціны Валяр’яны і Фэлікса Янушкевічаў, а таксама іхных сяброў. І паралельна экспанаты побыту, датычныя Ракава: свайго кшталту краязнаўчую экспазыцыю. Самы стары экспанат зроблены ў 17-м стагодзьдзі. Вядома, ёсьць шмат керамікі, якой славіўся Ракаў. Багата кніжак, шкляных вырабаў габрэйскіх рамесьнікаў, польскамоўныя і нямецкамоўныя шыльды ды дакумэнты. У экспазыцыі ёсьць падарожны працоўны столік Адама Міцкевіча. Адзін з продкаў Янушкевічаў працаваў у вялікага паэта сакратаром.
На экскурсію ў галерэю і музэй можа патрапіць кожны. З асаблівым захапленьнем Фэлікс Янушкевіч распавядае пра жыцьцё Ракава міжваеннага часу 1920-30-х гадоў. Ну хто б з сучасных беларусаў мог западозрыць, што звычайнае з выгляду мястэчка Ракаў перад вайной была мястэчкам з дзьвюма сотнямі крамаў і сотняй кавярняў і рэстарацыяў?
Галерэя мае назву “Янушкевічы” – паводле прозьвішча заснавальнікаў скульптара Валяр'яна і жывапісца Фэлікса Янушкевіча, а таксама іхных братоў. Агульная плошча рознаўзраўневага будынку каля пяцісот квадратных мэтраў. Фэлікс Янушкевіч кажа, што спатрэбілася дзесяць гадоў, каб скончыць будоўлю галерэі. Уласна, калекцыя пачала зьбірацца яшчэ ў 1970-х гадах. Прычым стваральнікі маюць магчымасьць прадэманстраваць толькі траціну сваёй калекцыі.
Наведнік праходзіць празь некалькі заляў, дзе бачыць скульптуры і карціны Валяр’яны і Фэлікса Янушкевічаў, а таксама іхных сяброў. І паралельна экспанаты побыту, датычныя Ракава: свайго кшталту краязнаўчую экспазыцыю. Самы стары экспанат зроблены ў 17-м стагодзьдзі. Вядома, ёсьць шмат керамікі, якой славіўся Ракаў. Багата кніжак, шкляных вырабаў габрэйскіх рамесьнікаў, польскамоўныя і нямецкамоўныя шыльды ды дакумэнты. У экспазыцыі ёсьць падарожны працоўны столік Адама Міцкевіча. Адзін з продкаў Янушкевічаў працаваў у вялікага паэта сакратаром.
На экскурсію ў галерэю і музэй можа патрапіць кожны. З асаблівым захапленьнем Фэлікс Янушкевіч распавядае пра жыцьцё Ракава міжваеннага часу 1920-30-х гадоў. Ну хто б з сучасных беларусаў мог западозрыць, што звычайнае з выгляду мястэчка Ракаў перад вайной была мястэчкам з дзьвюма сотнямі крамаў і сотняй кавярняў і рэстарацыяў?
Алесь Белы,
Севярын Квяткоўскі (Радыё "Свабода")