Выбраныя здымкі
 1.jpg "Погляд на апсіду і бакавы фасад")
Погляд на апсіду і бакавы фасад Фота © Кузіч Мікола | Дата: 23/05/2010
Погляд на бакавы фасад Фота © К. Шастоўскі | Дата: 03/09/2002
Выгляд ад фронту Фота © К. Шастоўскі | Дата: 03/09/2002
Пакроўская царква ў Прылуках
Надзвычай шырокі маштаб пасля падаўлення паўстання 1863 г. набыло праваслаўнае царкоўнае будаўніцтва ў Беларусі. Праз яго Расійская імперыя імкнулася сцвердзіць «спрадвечнасць» правоў расійскай дзяржавы на тутэйшыя тэрыторыі як «исконно русские земли». У гэтай сувязі ўзнікла шмат царкоўных будынкаў, пастаўленых на грошы расійскага ўраду. Аднак будаваліся цэрквы і на народныя сродкі і па «прыгаворах» сельскіх сходаў: з кожнага гаспадара бралі 3 рублі, з батракоў і салдат - 1 рубель.
 2.jpg "Царква Покрыва Прасвятой Багародзіцы ў Прылуках")
Царква Покрыва Прасвятой Багародзіцы ў ПрылукахФота © Кузіч Мікола | Дата: 23/05/2010
Адна з такіх цэркваў стаіць у памежнай вёсцы Прылукі. Пабудавана ў 1870 г. на сродкі прыхаджан. На мяжы XIX і XX стст. прыход царквы налічваў 2702 вернікаў у 6 вёсках: Прылукі, Заказанка, Заслучна, Каменіца Біскупская, Падбалоцце і Падлессе (апошнія 3 вёскі цяпер аб'яднаныя ў адну - Падлессе-Камянецкае). Храм вырашаны прамавугольным зрубам, накрытым двухсхільным дахам. Асноўны аб'ём царквы звязаны невялікім пераходам са званіцай. Пакроўская царква ў Прылуках з'яўляецца помнікам народнай архітэктуры.