Выбраныя здымкі
Бітва пры Бярэзіне
У 1812 годзе пры адступленні арміі Напалеона вёска апынулася ў самым цэнтры падзеяў. Яшчэ 13 лістапада французы пачалі тут падрыхтоўку да пераправы. 14 лістапада сюды падышлі асноўныя іх войскі. На ўзвышшы была ўсталявана батарэя з 40 гармат, якая абстрэльвала невялікія сілы рускага войска на супрацьлеглым беразе Бярэзіны. Да гадзіны дня быў пабудаваны першы мост праз Бярэзіну, к чатыром – другі. Матэрыялам для іх паслужылі бярвенні хат жыхароў Студзёнкі.14 і 15 лістапада ў Студзёнцы без аніякіх праблем адбывалася пераправа войска Напалеона і саюзных яму войск праз Бярэзіну. 16 лістапада да Студзёнкі падышла армія Вітгенштэйна. На гэты момант на левым беразе з французаў заставалася толькі войска Віктора, параненыя жаўнеры і цывільнае насельніцтва. У выніку абстрэлу апошніх утварылася паніка, у якой загінула шмат людзей. У ноч на 17 астатняя частка французскага войска пераправілася праз раку. Раніцай цывільнае насельніцтва кінулася да мастоў. Але яны былі ўжо падпалены. Утварылася цісканіна, у выніку якой зноў загінула шмат людзей.
Студзёнка – гэта не толькі 1812 год, але ён вырашыў яе лёс
Міхась Мацельскі, Гоман Барысаўшчыны
http://goman.borisov-e.info/index.php?id=64