Касцёл Найсвяцейшага Сэрца Езуса ў Лыскаве
У 1866 г. у сувязі са здушэннем Студзенскага паўстання каталіцкі касцёл у Лыскаве быў перададзены праваслаўным. У пачатку XX ст. Стэфанія Дзяконская (з Талочкаў) з Магілёўцаў фундавала ў Лыскаве будаўніцтва новага касцёлу. На час набажэнствы аднавіліся пад часовым навесам. Будаўніцтва мураванага касцёлу завяршылася ў 1913 г. Храм у новараманскім стылі быў асвечаны пад тытулам Найсвяцейшага Сэрца Езуса. Аднак ён быў зруйнаваны ў Першую сусветную вайну. Пасля вайны з прычыны аварыйнага стану будынак быў разабраны, а з ягонай цэглы пабудавана школа. У 1921 г. каталікам быў вернуты стары касцёл Найсвяцейшай Тройцы.