> Брэсцкая вобласць > Брэсцкі раён > вёска Вельямовічы > Прысядзібны парк
Вельямовічы. Прысядзібны парк
Вельямовічы. Прысядзібны парк

Прысядзібны парк | Вельямовічы

Выбраныя здымкі

Вельямовічы. Прысядзібны парк

Куток парку Фота © К. Шастоўскі |

Вельямовічы. Прысядзібны парк

Сажалка Фота © К. Шастоўскі |

Вельямовічы. Прысядзібны парк

Сажалка Фота © К. Шастоўскі |

У Вільямовічах захаваўся занядбаны парк пры колішняй сядзібе. Сядзіба вядома з XVI ст. Паводле «Кнігі запісаў» сяло Вельямовічы (Вельямовічы) ў 1558 г. размяшчалася каля возера і мела мяжу з выганамі маёнтка Бярніцкага і сёламі Таратунавічы, Памаранцы, Семянічкі. У 1772 г. вёска мела назву Вілановічы.

3 1862 г. маёнтак Вельямовічы належаў роду Юльяна Канапінскага, пасля задушэння нацыянальна-вызваленчага паўстання 1863 г. канфіскаваны і распрададзены. Напярэдадні 1-й сусветнай вайны тут былі два фальваркі. Адна сядзіба належала роду Саковічаў, другая — Дабрынецкім. Пасля вайны Саковіч адну частку фальварка прадаў Ялавіцкаму, другую — Дабрынецкім.

Пасля 2-й сусветнай вайны невялікі Вільямовіцкі палац быў поўнасцю знішчаны. Засталіся рэшткі пейзажнага парку плошчай 3 га. Парк у плане мае форму прамавугольніка. Пейзажная частка парку размешчана перад парадным партэрам, абмежавана па заходнім краі дзвюма сажалкамі. У асноўным растуць ліпа, ясень, граб, клён, конскі каштан і інш. За паркавым партэрам размяшчаўся невялікі сад з прагулачнымі маршрутамі па грабавай алеі, уздоўж ліпавай пасадкі і глыбокага яра з ручаём.

Парк захаваўся амаль у ранейшых межах, але здзічэў, зарос хмызняком, сажалкі забруджаны.

Парк з сажалкамі пры добрых гаспадарскіх адносінах можа быць адноўлены. Патрабуе ўзяцця на ўлік і пад ахову дзяржавы.

Крыніца:
Л.М. Несцярчук
Замкі, палацы, паркі Берасцейшчыны Х-ХХ стагоддзяў
Мінск, "БЕЛТА", 2002

Каардынаты:
52° 13'14.40"N, 23° 27'14.57"E

Фотагалерэі