> Віленскі павет > Троцкі раён > вёска Рыконты > Касцёл Святой Тройцы
Рыконты. Касцёл Святой Тройцы
Рыконты. Касцёл Святой Тройцы

Касцёл Святой Тройцы | Рыконты

Выбраныя здымкі

Рыконты. Касцёл Святой Тройцы

Агульны выгляд (10.10.2007) Фота © Зм. Савельеў, А.Навумчык |

Рыконты. Касцёл Святой Тройцы

Брама і Траецкі касцёл у Рыконтах (08.2008) Фота © Иван Бай |

Рыконты. Касцёл Святой Тройцы

Фота © Иван Бай |

Будаўніцтва мураванага кальвінскага збора ў Рыконтах, што на Віленшчыне, звычайна датуецца 1555 г., па першым упамінанні тут пратэстанцкай абшчыны. Фундацыя яго належыць уладальніку маёнтка — кашталяну жмудскаму Адаму Тальвашу і яго жонцы з роду Францкевічаў. Фундатар памёр у 1628 г., з чаго вынікае, што будаўніцтва храма адбылося, хутчэй за ўсё, на мяжы XVI і XVII стст. Пазней маёнтак перайшоў да Агінскіх, і пратэстанцкі збор існаваў тут да 1713 г., потым быў перароблены пад касцёл, які дзейнічае і зараз.

Будынак збора ў Рыконтах — невялікі прамавугольны ў плане аб'ём, накрыты высокім двухсхільным дахам з вальмамі над трохграннай алтарнай сцяной і атыкавым франтонам на бязвежавым галоўным фасадзе. Архітэктура збудавання выразна спалучае рысы готыкі і рэнесансу. Вуглы ўмацаваны характэрнымі для позняй готыкі ўзаемна перпендыкулярнымі контрфорсамі пастаяннага прамавугольнага сячэння, пад двухсхільнымі адхонамі для вадасцёку. Вокны маюць стральчатыя арачныя завяршэнні, але іх аблямоўваюць вялікія паўцыркульныя арачныя нішы, якія ствараюць рэнесансную пластыку бакавых фасадаў. Паверсе сцен будынак апярэзвае развіты прафіляваны ордэрны карніз.

Франтон, які закрывае тарэц даху, мае складаную трох'ярусную кампазіцыю. Ніжні ярус — прамавугольны атык, аздоблены аркатурай з плоскіх паўцыркульных арачных нішаў, падзеленых больш высокімі цілястрамі, якія раскрапоўваюць фрыз вянчаючага антаблемента. Другі, трапецыяпадобны, і верхні, трохвугольны, ярусы болып сціплыя і падкрэслена геаметрычныя па малюнку. Строгасць і выразнасць архітэктурна-мастацкага вырашэння разам з адсутнасцю алтарнай апсіды выяўляюць пратэстанцкую канцэпцыю храма.

Габрусь Т. В. Мураваная сакральная архітэктура XVI-XVIII стст. / Архітэктура беларусі: нарысы ва ўсходнеславянскім і еўрапейскім кантэксце. У 4 т. Т. 2. XV - сяр. XVIII ст. – Мн., 2006. - С. 180


Год пабудовы (перабудовы): > 1585, > 1686
Каардынаты:
54° 42'54.79"N, 24° 58'55.68"E

Фотагалерэі