> Брэсцкая вобласць > Камянецкі раён > вёска Агароднікі (Дзмітровіцкі c/c) > Царква Узнясення Гасподняга
Агароднікі (Дзмітровіцкі c/c). Царква Узнясення Гасподняга
Агароднікі (Дзмітровіцкі c/c). Царква Узнясення Гасподняга

Царква Узнясення Гасподняга | Агароднікі (Дзмітровіцкі c/c)

Год пабудовы (перабудовы): 1891
Фундацыя: Ігнаці Пашкевіч, святар
Каардынаты:
52° 27'27.37"N, 23° 39'12.06"E
ДСГКК Беларусі: 112Г000325

Фотагалерэі

Узнясенская царква ў Агародніках

Царква пабудавана ў 1891 г. на сродкі святара Ігнація Пашкевіча на прыхадскіх могілках, якія размяшчаюцца за 0,5 км на поўнач ад вёскі Агароднікі. Царква з'яўлялась прыпісной да Любашкаўскага прыходу царквы Святога Міхала Арханёла, якая таксама размяшчалася ў вёсцы Агароднікі, на яе заходнім ускрайку. У сучасных даведніках храм памылкова называюць Васкрасенскім, ці Крыжаўзвіжанскім і падаюць недакладны год пабудовы. Паводле даведніка "Гродненский православный календар" за 1899 год царква асвечана ў гонар Узнясення Гасподняга (1891 г.).

Агароднікі (Дзмітровіцкі c/c) - Царква Ушэсця Гасподняга

Царква Ўзнясення Гасподняга ў АгароднікахФота © Андрэй Дыбоўскі, http://globus.tut.by | Дата: 04/2007

Узнясенская царква ў Агародніках - помнік народнага дойлідства. Трохзрубны храм утвараюць двух’ярусная чатырохгранная прытвор-званіца, малітоўная зала і прамавугольная апсіда з нізкай бакавой рызніцай. Шатровыя дахі званіцы і малітоўнай залы завершаны цыбулепадобнымі галоўкамі на васьмігранных барабанах, вальмае пакрыццё апсіды – крыжом на сферы. Гарызантальна ашаляваныя сцены прарэзаны арачнымі аконнымі праёмамі.