Выбраныя здымкі
Сядзібны дом на малюнку Н. Орды (1860-я) |
Сядзіба Броннае
Землі, на якіх размяшчаўся некалі Броннаўскі двор, цяпер уваходзяць у межы горада Драгічына. Першыя звесткі пра ўрочышча Броннае змяшчаюцца ў дакументах 1623 г. Сядзіба вядома па малюнку 1860-х гадоў Напалеона Орды. У той час Броннаўская сядзіба была ва ўласнасці Баляслава Жука.Сядзібны дом, накрыты высокім, гладкім, чатырохсхільным дахам, быў аднапавярховы і ў плане меў форму прамавугольніка. Цэнтральны ўваход вылучаўся порцікам на дзвюх парах высокіх калон. Палац ахінаў даволі вялікі пейзажны парк. Пасля нацыянальна-вызваленчага паўстання 1863 г. маёнтак перайшоў ва ўласнасць расійскіх памешчыкаў Кантаравых. Апошняй уладальніцай маёнтку была Марыя Развадоўская.
Пасля Другой сусветнай вайны на месцы сядзібы месцілася Драгічынская МТС, затым РТС. Сядзіба не захавалася.
Паводле: Несцярчук Л. Замкі, палацы, паркі Берасцейшчыны X-XX стагоддзяў. Мн.: БелТА, 2002.