У самым цэнтры Палесся знаходзіцца горад Жыткавічы. У гістарычных хроніках ён упершыню згадваецца ў 1500 г. як маёнтак Жыдкавічы. У канцы XVI ст. гэта была вёска ў Мазырскім павеце. У 1793 г. далучана да Расійскай імперыі. Сваё развіццё мястэчка пачынала з будаўніцтва Палескай чыгункі. Сёння гэта горад, у якім жыве каля 17 тысяч чалавек.
У Жыткавічах і раёне шмат католікаў. Вядома, што на пачатку ХХ ст. у мястэчку існавала рыма-каталіцкая парафія пад тытулам св. Тэрэзы ад Дзіцятка Езус. Парафіяльныя набажэнствы адбываліся ў невялікай капліцы. Драўляны касцёл быў пабудаваны ў 1935 г. у цэнтры мястэчка. 30 чэрвеня 1936 г. біскуп Казімір Букраба правёў урачыстае асвячэнне святыні. Але, на жаль, той будынак не захаваўся. У 1939 г. у жыткавіцкая парафія налічвала каля 250 вернікаў.
Рэлігійнае жыццё пачало адраджацца ў 1990-я гады, калі да мясцовых католікаў сталі прыязджаць святары з суседніх раёнаў. Неўзабаве была створана парафія імя св. Юзафа Рамесніка. У 2000 г. было распачата будаўніцтва новага касцёла. Справа гэтая нялёгкая, бо парафія невялікая, а будоўля патрабуе значных фінансавых укладанняў. Але, не без дапамогі з нябёсаў, знайшліся дабрачынцы, якія дапамагаюць матэрыяльнымі сродкамі і падтрымліваюць малітоўна.
У Жыткавічах і раёне шмат католікаў. Вядома, што на пачатку ХХ ст. у мястэчку існавала рыма-каталіцкая парафія пад тытулам св. Тэрэзы ад Дзіцятка Езус. Парафіяльныя набажэнствы адбываліся ў невялікай капліцы. Драўляны касцёл быў пабудаваны ў 1935 г. у цэнтры мястэчка. 30 чэрвеня 1936 г. біскуп Казімір Букраба правёў урачыстае асвячэнне святыні. Але, на жаль, той будынак не захаваўся. У 1939 г. у жыткавіцкая парафія налічвала каля 250 вернікаў.
Рэлігійнае жыццё пачало адраджацца ў 1990-я гады, калі да мясцовых католікаў сталі прыязджаць святары з суседніх раёнаў. Неўзабаве была створана парафія імя св. Юзафа Рамесніка. У 2000 г. было распачата будаўніцтва новага касцёла. Справа гэтая нялёгкая, бо парафія невялікая, а будоўля патрабуе значных фінансавых укладанняў. Але, не без дапамогі з нябёсаў, знайшліся дабрачынцы, якія дапамагаюць матэрыяльнымі сродкамі і падтрымліваюць малітоўна.