Царква Успення Прасвятой Багародзіцы | Шышова

Успенская царква ў Шышове

Першая царква ў Шышове пабудавана ў канцы 17 ст. па фундацыі Фядоры Тышкоўскай, жонцы скарбніка Падольскага. У 1685 г. яна фундавала будаўніцтва ўніяцкай царквы, на ўтрыманне святара запісала 1,5 валокі зямлі, а таксама сенакосы і агароды пры сядзібе. Пасля скасавання Ўніі царква ў праваслаўным ведамстве, у Літоўскай епархіі. У 1877 г. каля маёнтка Шышова пабудавана новая царква Ўспення Прасвятой Багародзіцы. На мяжы ХІХ/ХХ стст. з'яўлялася прыпісной да Андрэеўскай царквы ў Пашуках. Цяпер царква прыпісная да Праабражэнскага прыходу ў Дзмітравічах. Храм - помнік народнага дойлідства, знаходзіцца ў спісе гісторыка-культурных каштоўнасцей Беларусі.