Царква Праабражэння Гасподняга | Трасцяніца

Царква Праабражэння Гасподняга ў Трасцяніцы

Царква Праабражэння Гасподняга пабудавана ў пагосце Трасцяніца прыхаджанамі ў 1873 г. Праз 4 гады на прыхадскіх могілках пабудавана драўляная Дзмітрыеўская царква, якая знаходзіцца цяпер у паўзруйнаваным стане. На мяжы ХІХ/ХХ стст. прыход царквы налічваў 2227 чалавек у 8 вёсках: Трасцяніца, Алешкавічы, Каляды, Кустычы, Млыны, Ратайчыцы, Рудавец і Цюпрыкі.

Праабражэнская царква ў ТрасцяніцыФота © К. Шастоўскі | Дата: 09/07/2005

Праабражэнская царква - помнік народнага дойлідства - вырашана падоўжным прамавугольным зрубам з 5-граннай апсідай з бакавымі невялікімі рызніцамі і прамавугольным прытворам. Над ім узвышаецца шатровая званіца, завершаная макаўкай. 2-схільны дах з вальмамі над апсідай па цэнтры завершаны невялікай цыбулепадобнай галоўкай на гранёным барабане. На фоне вертыкальна ашаляваных сцен вылучаюцца прамавугольныя аконныя праёмы ў простых дашчатых ліштвах. Вуглы аб'ёмаў дэкараваны вертыкальнымі разнымі дошкамі-накладкамі. Царква ўнесена ў спіс гісторыка-культурных каштоўнасцей Беларусі.

Літ.:
А.М. Кулагін
Праваслаўныя храмы на Беларусі
Мінск, Беларуская Энцыклапедыя, 2001