Выбраныя здымкі
Валожын. Касьцёл і кляштар бэрнардынскі зь піктаграфічнай мапы бэрнардынскіх кляштароў ВКЛ, 18 стаг. Provincia Litvana Ord.S.Francisci O.Sdm.Observation(es)... Фота © Шулаеў Андрэй | Дата: XVIII
Кляштар бернардзінцаў у Валожыне
Першы драўляны касцёл у Валожыне пабудаваны ў 1500 г. У 1690 на яго месцы з дрэва ўзведзены новы касцёл, вядомы па малюнку з піктаграфічнай мапы бернардзінскіх кляштароў ВКЛ (XVIII стаг.).Касцёл складаўся з прамавугольнага ў плане нефа, накрытага двухсхільным дахам з гранёным светлавым васьмерыковым барабанам, завершаным купалам, і прылягаючай да яго з усходу гранёнай апсіды з шматсхільным пакрыццём. Плоскі галоўны фасад завяршаўся складаным па малюнку барочным франтонам. Паўкруглы ў плане кляштарны будынак утвараў невялікі дворык перад касцёлам. Галоўную кампазіцыйную вось падкрэслівала вежка ў цэнтры кляштара.
Будынкі згарэлі ў 1815 г., на іх месцы ў XIX ст. пабудаваны мураваны касцёл у стылі класіцызму, які існуе і цяпер.
Паводле:
Р.В.Баравы, Ю.А.Якімовіч. Каштоўны дакумент па гісторыі беларускай графікі і архітэктуры XVIII ст.
Помнікі культуры. Мінск, Навука і тэхніка, 1985