Выбраныя здымкі
Здымак пач. XX ст. | Дата: ca. 1910
Здымак пач. XX ст. (фрагмент) | Дата: ca. 1910
Час будаўніцтва Успенскай царквы невядомы. У царкоўным архіве захоўваліся кнігі з 1835 года. Вядома, што ў Бяларучы пры маёнтку мінскага крайчага Тамаша Аборскага існавала драўляная ўніяцкая Свята-Багародзіцкая царква.
Вядомы па фотаздымку Яна Балзункевіча храм — твор драўлянага дойлідства. Царква мела 2-часткавую аб'ёмна-прасторавую кампазіцыю — прамавугольны зруб малітоўнай залы завяршаўся алтарным 3-сценкам і накрытым 2-схільным з вальмамі над апсідай гонтавым дахам, які па цэнтры меў цыбулепадобную галоўку на гранёным барабане. Гэтая асноўная частка храма падобная на простыя вясковыя ўніяцкія цэрквы XVII-XVIII стст., калі царква мела толькі адзін зруб малітоўнай залі, і верагодна, што царква ў Бяларучы пабудавана таксама ў гэты перыяд. Хутчэй за ўсё ў сярэдзіне XIX ст. да малітоўнай залі прыбудавалі бабінец з 1-яруснай 4-граннай званіцай, завершанай спічастым шатром з макаўкай. Гэтым царква набыла характэрную для праваслаўя трохчасткавую кампазіцыю. Перабудова верагодна адбылася ў 1840-60-я гг., ужо пасля скасавання Уніі. Уваход вылучаны 2-слупавым ганкам. Вертыкальна ашаляваныя фасады чляніліся прамавугольнымі ў разных ліштвах аконнымі праёмамі і брусамі сцяжкамі ў прасценках. Унутры апсіду вылучаў 2-ярусны іканастас на 7 абразоў.
Вядомы па фотаздымку Яна Балзункевіча храм — твор драўлянага дойлідства. Царква мела 2-часткавую аб'ёмна-прасторавую кампазіцыю — прамавугольны зруб малітоўнай залы завяршаўся алтарным 3-сценкам і накрытым 2-схільным з вальмамі над апсідай гонтавым дахам, які па цэнтры меў цыбулепадобную галоўку на гранёным барабане. Гэтая асноўная частка храма падобная на простыя вясковыя ўніяцкія цэрквы XVII-XVIII стст., калі царква мела толькі адзін зруб малітоўнай залі, і верагодна, што царква ў Бяларучы пабудавана таксама ў гэты перыяд. Хутчэй за ўсё ў сярэдзіне XIX ст. да малітоўнай залі прыбудавалі бабінец з 1-яруснай 4-граннай званіцай, завершанай спічастым шатром з макаўкай. Гэтым царква набыла характэрную для праваслаўя трохчасткавую кампазіцыю. Перабудова верагодна адбылася ў 1840-60-я гг., ужо пасля скасавання Уніі. Уваход вылучаны 2-слупавым ганкам. Вертыкальна ашаляваныя фасады чляніліся прамавугольнымі ў разных ліштвах аконнымі праёмамі і брусамі сцяжкамі ў прасценках. Унутры апсіду вылучаў 2-ярусны іканастас на 7 абразоў.
Літ.:
А.М. Кулагін
Праваслаўныя храмы на Беларусі
Мінск, Беларуская Энцыклапедыя, 2001