Выбраныя здымкі
Здымак пач. XX ст. |
Здымак пач. ХХ ст. (фрагмент) |
Уніяцкая царква ў Самахвалавічах вядома з 18 ст. У пачатку 19 ст. пры царкве дзейнічала школа. Верагодна пасля скасавання грэка-каталіцкай царквы, храм прыйшоў у заняпад. У 1863 г. была пабудавана новая праваслаўная царква Святога Духа. Драўляны храм узвялі на ўскраіне мястэчка. У царкоўным архіве захоўваліся метрычныя кнігі з былога ўніяцкага храма пачыная з 1739 г. Выгляд храма вядомы па фотаздымку Я. Балзункевіча пачатку 20 ст.
Царква была вырашана магутным кубападобным 2-ярусным аб'ёмам, крыжовы пакаты дах якога завяршаўся глухім 8-гранным барабанам з шатром з макаўкай. З франтальнага боку праз кароткі бабінец далучалася 3-ярусная (васьмярык на 2 чацверыках) шатровая званіца, таксама завершаная макаўкай. 3 уваходы вылучаліся 2-слуповымі ганкамі пад 2-схільнымі пакрыццямі. Прамавугольныя аконныя праёмы былі дэкарыраваны геаметрызаванымі сандрыкамі, вылучанымі на фоне вертыкальнай шалёўкі сцен. Да апсіды далучалася бакавая рызніца. Унутры плоская бэлечная столь падтрымлівалася 8 драўлянымі слупамі. Апсіду вылучаў 1-ярусны белы з пазалотай ў 13 абразоў іканастас з бакавымі кіётамі.
Царква была вырашана магутным кубападобным 2-ярусным аб'ёмам, крыжовы пакаты дах якога завяршаўся глухім 8-гранным барабанам з шатром з макаўкай. З франтальнага боку праз кароткі бабінец далучалася 3-ярусная (васьмярык на 2 чацверыках) шатровая званіца, таксама завершаная макаўкай. 3 уваходы вылучаліся 2-слуповымі ганкамі пад 2-схільнымі пакрыццямі. Прамавугольныя аконныя праёмы былі дэкарыраваны геаметрызаванымі сандрыкамі, вылучанымі на фоне вертыкальнай шалёўкі сцен. Да апсіды далучалася бакавая рызніца. Унутры плоская бэлечная столь падтрымлівалася 8 драўлянымі слупамі. Апсіду вылучаў 1-ярусны белы з пазалотай ў 13 абразоў іканастас з бакавымі кіётамі.
Літ. (з змяненнямі):
А.М. Кулагін
Праваслаўныя храмы на Беларусі
Мінск, Беларуская Энцыклапедыя, 2001