> Брэсцкая вобласць > Кобрынскі раён > горад Кобрын > Царква Святога Мікалая
Кобрын. Царква Святога Мікалая
Кобрын. Царква Святога Мікалая

Царква Святога Мікалая | Кобрын

Выбраныя здымкі

Кобрын. Царква Святога Мікалая

Агульны выгляд Фота © К. Шастоўскі |

Кобрын. Царква Святога Мікалая

Царква Сьв. Мікалая Фота © К. Шастоўскі |

Кобрын. Царква Святога Мікалая

Галоўны фасад Фота © К. Шастоўскі |

Свята-Мікалаеўская царква ў Кобрыне размешчана на вуліцы Мікольскай (былая Астрамецкая, Камуністычная), на правым беразе р. Мухавец. Пабудавана да 1750 за межамі горада, у які перавезена і часткова перабудавана ў 1860-я гады. Першапачатковы храм адзначаны ў «люстрацыі» 1563 г. Дзмітрыя Сапегі, а таксама на плане ў інвентары 1597 г.

4-сценны зруб храма з 5-граннай апсідай накрыты вальмавым дахам, завершаным па цэнтры магутным цыбулепадобным купалам на 8-гранным светлавым барабане, які пастаўлены на нізкі чацвярык. Цыбулепадобны купал на гранёным барабане ўзвышаецца над вальмавым дахам апсіды. Галоўны заходні фасад на ўсю вышыню вылучаны нішай з 2 слупамі. Вертыкальна ашаляваныя сцены рытмічна расчлянёны высока ўзнятымі прамавугольнымі вокнамі з брусамі-сцяжкамі ў прасценках. 4 слупы ў інтэр'еры з дапамогай скляпенняў-ветразяў падтрымліваюць барабан купала. Па чатырох вуглах малітоўнай залы вылучаны невялікія памяшканні прыдзелаў і рызніц.

Літ.:
А.М. Кулагін
Памяць. Кобрынскі раён
Мінск, Белта, 2002

Год пабудовы (перабудовы): < 1563 (1), < 1750 (2), 1860-x (
Каардынаты:
52° 13'0.24"N, 24° 21'38.92"E
ДСГКК Беларусі: 112Г000389

Фотагалерэі