> Брэсцкая вобласць > Кобрынскі раён > горад Кобрын > Царква Святых апосталаў Пятра й Паўла
Кобрын. Царква Святых апосталаў Пятра й Паўла
Кобрын. Царква Святых апосталаў Пятра й Паўла

Царква Святых апосталаў Пятра й Паўла | Кобрын

Выбраныя здымкі

Кобрын. Царква Святых апосталаў Пятра й Паўла

Агульны выгляд Фота © К. Шастоўскі |

Кобрын. Царква Святых апосталаў Пятра й Паўла

Царква Сьв. Пятра і Паўла Фота © К. Шастоўскі |

Кобрын. Царква Святых апосталаў Пятра й Паўла

Магіла Міцкевічаў Фота © К. Шастоўскі |

Свята-Петра-Паўлаўская царква ў Кобрыне ўпамінаеццаў 1465 г., знаходзілася на паўднёвай ускраіне Рынкавага пляцу. Адзначана ў «люстрацыі» 1563 г. каралеўскага рэвізора Дзмітрыя Сапегі і на плане горада 1798 г. З 1847 г. святаром тут быў царкоўны дзеяч, гісторык А.М. Кульчыцкі. З-за аварыйнага стану і небяспекі разбурэння ў 1857 г. закрыта. У 1862 г. перабудавана паводле праекта архітэктурнага памочніка Вендэнбаўма і ў 1913 г. перанесена на могілкі (вуліца Першамайская).

Царква вырашана 4-часткавай кампазіцыяй, якую складаюць асноўны кубічны зруб, завершаны пакатым шатром з цыбулепадобным купалком, апсіда, бабінец і прытвор, над якім размешчана 2-ярусная шатровая званіца. Гарызантальна ашаляваныя сцены прарэзаны прамавугольнымі вокнамі. У інтэр'еры апсіда вылучана драўляным разным іканастасам, царскія вароты якога выкананы на матыў спляценняў вінаграднай лазы вакол абразоў.

Каля царквы пастаўлены надмагільны помнік Аляксандру Міцкевічу (1801—1871) — малодшаму брату паэта Адама Міцкевіча, прафесару права Харкаўскага універсітэта, уладальніку кобрынскага маёнтка з сярэдзіны 19 ст. Помнік уяўляе сабой вертыкальную кампазіцыю з фігурай анёла з крыжам, абвітым кляновай галінкай.

Літ.:
А.М. Кулагін
Памяць. Кобрынскі раён
Мінск, Белта, 2002

Паведамленні

Год пабудовы (перабудовы): < 1465 (1), 1862 (2)
Каардынаты:
52° 12'47.28"N, 24° 22'32.33"E
ДСГКК Беларусі: 112Г000394

Фотагалерэі