Выбраныя здымкі
Здымак пач. ХХ ст. |
У 1652 г. маршалак вялікі ВКЛ Аляксандр Людвік Радзівіл заснаваў у Мікалаеўшчыне касцёл Яна Хрысціцеля. Інвентар 1653 г. ўказвае яго найдаўнейшую паліганальную структуру і алтары з абразамі «Укрыжаванне» і «Дабравешчанне» і скульптурамі св. Юрыя, Якуба, Станіслава і Казіміра. У 1830 г. адзначаны касцёл «пахілены ад старасці», з 4 алтарамі.
У 1867 г. каталіцкі прыход скасаваны, а вяскоўцы пераведзены ў праваслаўе. Царква, пабудаваная казной у 1876 г., у плане трохзрубавая: складалася з квадратнага асноўнага аб'ёму, увенчанага 5 глухімі купаламі, алтара і бабінца са званіцаю. Іканастас змяшчаў у 2 ярусах 15 абразоў, быў пафарбаваны ў блакітны колер, з пазалочанымі карнізамі і рамамі. На званіцы — 3 званы масай 8, 7 і 1 пуд. Царква разабрана мясцовымі ўладамі ў пачатку 1960-х гг. Да прыходу належалі апрача Мікалаеўшчыны Прусінава (з прыпісной царквой), Сверынава, Русаковічы.
У 1867 г. каталіцкі прыход скасаваны, а вяскоўцы пераведзены ў праваслаўе. Царква, пабудаваная казной у 1876 г., у плане трохзрубавая: складалася з квадратнага асноўнага аб'ёму, увенчанага 5 глухімі купаламі, алтара і бабінца са званіцаю. Іканастас змяшчаў у 2 ярусах 15 абразоў, быў пафарбаваны ў блакітны колер, з пазалочанымі карнізамі і рамамі. На званіцы — 3 званы масай 8, 7 і 1 пуд. Царква разабрана мясцовымі ўладамі ў пачатку 1960-х гг. Да прыходу належалі апрача Мікалаеўшчыны Прусінава (з прыпісной царквой), Сверынава, Русаковічы.
Крыніца:
А.А. Ярашэвіч
Памяць. Стаўбцоўскі раён
Мінск, Беларуская Энцыклапедыя, 2004