Пералоі - фота і помнікі

Гісторыя Пералояў

Вёска Пералоі ўзнікла на тэрыторыі маёнтка Порплішча, што належаў у розныя часы Чартарыйскім, Зяновічам, Радзівілам, Вітгенштэйнам. У 1795 годзе – 23 двары, 98 душ. У 1870 годзе 25 душ мужчынскага полу. Паводле выдання “Słownik Geograficzny Królewstwa Polskiego i innych krajów słowiańskich” 1887 года, Пералоі – вёска па-над ракой Барсучанкай (суч. Астраўлянка), 10 дамоў, 59 чалавек.

Па звестках за 1930 год, у вёсцы Пералоі гміны Порплішча Дзісненскага павета 32 двары, 184 чалавекі, 230 дзесяцін зямлі. У 1949 годзе арганізаваны калгас імя Суворава, пасля чаго праз некаторы час Пералоі сталі выміраючай вёскай. У 19 стагоддзі на могілках побач з вёскай збудавана драўляная капліца. У 2004 годзе побач з ёй пачала будавацца новая каплічка з белай цэглы.

Кастусь Шыталь, краязнаўца
ksz@tut.by