> Брэсцкая вобласць > Жабінкаўскі раён > вёска Хмелева

Хмелева - фота і помнікі

Гісторыя Хмелева

17.07.1565 г. пры перапісу шляхецкага войска ўладар Хмелева Марцін Хмелеўскі быў запісаны ў берасцейскі полк (харугву). Праз два гады з Хмелева выстаўлялі ўзброеных вершнікаў В. Хмелеўскі, С. Паўловіч і М. Мікалаевіч. Узімку 1612 г. маёнтак належыў А. М. Каханіку-Хмелеўскаму. Ягоныя сяляне былі збітыя суседнімі зямянамі, што перапіліся ў хмелеўскага карчмара Марціна Цеслі. Вясной 1660 г. Хмелева ўваходзіла ў Чарнаўчыцкі маёнтак графіні Л. М. Гротэн, абрабавана казакамі і каранёўскімі сялянамі.

З 60-х гг. XIX ст. Хмелева стала цэнтрам сялянскага таварыства Турнянскай воласці Брэсцкага павета, меліся 369 жыхароў, каля 1000 дзесяцін зямлі, народнае вучылішча і царква. Цяперашні будынак царквы пабудаваны ў 1725 г., у 1774 г. царква мела фундуш ад князя А. Чартарыйскага. Храм капітальна адрамантаваны ў 1839 г. Царкоўнаму прычту належылі 44 дзесяціны зямлі. Копіі метрычных кніг захоўваліся з 1835 г. Епіскап брэсцкі Іаакім Лявіцкі наведаў Хмелева і прыход у 1898 г.

Да 1905 г. насельніцтва вёскі ўзрасло да 830 чалавек, але паменшылася за гады Першай сусветнай вайны да 744, а ў 1970 г. ужо складала толькі 554 чалавекі. 3.07.1972 г. замест Сакскага быў утвораны Хмелеўскі сельсавет. У 1998 г. Хмелева (413 жыхароў) з'яўлялася цэнтрам калгаса «Радзіма», меліся сярэдняя школа, дзіцячы садок, аддзяленне сувязі, медпункт, камбінат бытавога абслугоўвання, ашчадная каса.

Фальклорны калектыў Хмелеўскага сельскага дома культуры (пад кіраўніцтвам Т. Д. Грыцук) з 20.12.1994 г. носіць званне народнага. Хмелева — радзіма беларускага паэта I. Арабейкі (нарадзіўся ў 1942 г.).

Літ.:
А. Р. Бензярук
Памяць. Жабінкаўскі раён
Мінск, Ураджай, 1999

Апублікавана з ласкавай згоды аўтара Анатоля Бензярука

Хмелева. : Адметнасці | фота выбраных помнікаў

Хмелева.  Царква Праабражэння Гасподняга

Хмелева. Царква Праабражэння Гасподняга (1725) Агульны выгляд Фота © К. Шастоўскі

Каментарыі

Здравствуйте, скажите пожалуйста когда проводит службы отец Серафим? И ка попасть к нему на беседу?...
Сообщите, когда будет проводиться служба по отчитке?...
Когда проводит службы отец Серафим? Можно ли попасть к нему на беседу и каким образом?...
Здравствуйте. Батюшка католиков принимает?...
Как можно позвонить отцу Серафиму?...

Першая пісьмовая згадка: 1565

Магчымыя варыянты:
Хмелева Хмелево Chmielewo Chmieleva Хмелява Chmielieva Khmielieva Chmielewo Hmelevo Khmelevo

Каардынаты:
52° 15'9.16"N, 23° 54'7.27"E

Што паглядзець у Хмелеве


Знайдзі свае карані
Пошук сваякоў і продкаў у Беларусі, Літве, Польшчы