Новы Двор - фота і помнікі

Гісторыя Новага Двора

Былое мястэчка Новы Двор - сёння цэнтр сельсавета Шчучынскага раёна Гродзенскай вобласці. На аўтадарозе Астрына—Радунь. За 30 км на ПнЗ ад Шчучына, 55 км ад Гродна; 36 км ад чыгуначнай станцыі Ражанка. 695 жыхароў, 275 двароў (1998).

Вядома з 15 ст. У 1480 г. тут пабудаваны касцёл. 3 1720 г. мястэчка. У 1749 г. пабудаваны драўляны Юр'еўскі касцёл, які захаваўся. 3 1795 г. у Расейскай імперыі. 3 1843 г. у Лідскім павеце Віленскай губерні. Жыхары мястэчка прымалі ўдзел у паўстанні 1863—64 гг. У сакавіку 1863 г. каля Новага Двара карныя царскія войскі разбілі паўстанцкі атрад Лідскага павета на чале з Людвікам Нарбутам. У 1897 г. у мястэчку 822 жыхароў, касцёл, 2 малітоўныя дамы, капліца, вадзяны млын, 3 крамы, 2 карчмы.

З сакавіка 1918 г. у складзе БНР. 3 1921 г. акупаваны Польшчай, цэнтр гміны Шчучынскага павета Навагрудскага ваяводства. У 1937 г. у Новым Двару 655 жыхароў, касцёл, царква, паштовае агенцтва, праводзіліся таргі. 3 1939 г. у БССР. 3 1940 г. цэнтр сельсавета Васілішкаўскага раёна Баранавіцкай вобласці. 3 20.9.1944 г. у Гродзенскай вобласці. 3 20.1.1960 г. у Шчучынскім раёне (у 1960—61 гг. у Радунскім раёне).

Сярэдняя школа, дзіцячая дашкольная ўстанова, бібліятэка, Дом культуры, амбулаторыя, аддзяленне сувязі, магазіны. Помнікі архітэктуры: Юр'еўскі касцёл, капліца (1882 г.).

Крыніца:
Уладзімір Мальцаў
Энцыклапедыя гісторыі Беларусі. Т.4.
Мінск, "Беларуская Энцыклапедыя", 1998