> Пскоўская вобласць > Пустошкінскі раён > вёска Вярбілава

Вярбілава на мапе

Вярбілава - фота і помнікі

Першая пісьмовая згадка: 1503

Магчымыя варыянты:
Вярбілава Вербилово Wierbiłowo Verbilovo Verbilovo

Каардынаты:
56° 27'5.34"N, 29° 5'14.85"E

Што паглядзець у Вярбілаве

Гісторыя Вярбілава

Першая згадка пра Вярбілава адносіцца да пачатку XVI ст. Тры гады доўжылася літоўска-маскоўская вайна. Дзеля сканчэньня вайсковых дзеяньняў Вялікі князь Аляксандар у лісьце ад 2-га красавіка 1503 году, пазначыў умовы, пры якіх магчымае замірэньне. Між іх прапанаваў сваіму цесьцю маскоўскаму князю Івану ІІІ : “тебе Иоану... наших земель... города  Полоцка и волостей, Мошников, Дриссы, Освея, Нещорды, Непоротовичь, Вербиловы слободы, Кубка, Вязьмы, Клина, Ситнян, Лисна, Себежа, Замошенья, – в тые перемирные лета, шесть лет, не воевати и не защепляти ни чим.”



Пазьней, пасьля чарговае вайны 1534-1537 гг., не зважаючы на тэрытарыяльныя саступкі Вялікага Княства Літоўскага Масковіі, у выніку чаго недалёкі Себеж апынуўся ў складзе Маскоўскае дзяржавы, гэтая мясцовасьць заставалася ў складзе ВКЛ і была самай паўночнай часткаю княства. Паводле рэвізіі Полацкага ваяводзтва 1552 г. зямлёй тут валодаў Зьміцер Корсак: “Той жа пан Дзьмітры Корсак мае іменьне айчызнае на імя Ластовіца двор ... К таму ж двару людзі айчызныя сёлы на рубяжы маскоўскім Вярбілава, Загор’е, Яса, Колпіна. У тых сёлах дымоў 62, з тых людзей яму прыходзіць 11 коп і грошай 12.”

У пададзенай на перамовах аб замірэньні ў Яме Запольскім (студзень 1582 г.) пасланцамі маскоўскага князя грамаце Вярбілава таксама адзначанае між Полацкіх валасьцей:
“Прежде всего великий государь наш, царь и великий князь ни сам не должен вторгаться со своим войском во владения короля Стефана, ни посылать бояр и воевод с солдатами занимать и захватывать места во владениях короля Стефана, ни причинять каких-либо обид и ущерба в границах его владений, так, чтобы ни раздоры, ни войны из этого не возникли. В особенности во время этого перемирия нельзя ни нападать, ни окружать осадой ... город Полоцк с пригородами, волостями и всем относящимся к нему, город Копья, город Красное, город Ула, город Туровль, город Дрисса, город Копец и Десна, город Козьян, город Ситна, город Нещерды, город Сокол и принадлежащие Полоцку волости, город Лукомль с волостями, город Белмаков с волостями, город Ушач, город Лебедка и полоцкие волости: Мошниково, Непортовичи, Вербилова слобода, Кубково, Вязьма. Клин, Замошье, Исце, Неведро и городище Кречет на озере Отулово, Наугонь с относящимся к ним, город Друя, город Икажна с относящимся к нему. “       

Землі заставаліся ў валоданьні баярскага роду Корсакаў, пакуль адзін зь іх Язэп Корсак не падараваў тыя 19 жніўня 1634 году бярэзьвіцкім базыльянам. Ад таго часу яны належалі манастыру аж да 1839 году, калі былі далучаныя да дзяржаўнае маёмасьці.

Міхась Баўтовіч

Вярбілава. : Адметнасці | фота выбраных помнікаў

Вярбілава.  Манастыр

Вярбілава. Манастыр Будынак павятовае вучэльні (1-я чвэрць ХІХ ст.) Фота © Міхась Баўтовіч

Вярбілава.  Краявіды

Вярбілава. Краявіды Вярбілаўскае возера Фота © Міхась Баўтовіч