> Мінская вобласць > Мінскі раён > горад Мінск (Менск) > Памятныя адрасы Валадарскага, 9 / Серпухаўская, 9 (БНР)
Мінск (Менск). Памятныя адрасы Валадарскага, 9 / Серпухаўская, 9 (БНР)
Мінск (Менск). Памятныя адрасы Валадарскага, 9 / Серпухаўская, 9 (БНР)

Памятныя адрасы Валадарскага, 9 / Серпухаўская, 9 (БНР) | Мінск (Менск)

Выбраныя здымкі

Мінск (Менск). Памятныя адрасы Валадарскага, 9 / Серпухаўская, 9 (БНР)

Будынак №9 па былой вул. Серпухаўской, у якім у ноч з 24 на 25 сакавіка 1918 г. была прынята 3-я Ўстаўная грамата і абвешчана незалежнасьць БНР Фота © К. Шастоўскі |

Мінск (Менск). Памятныя адрасы Валадарскага, 9 / Серпухаўская, 9 (БНР)

Будынак №9 па былой вул. Серпухаўской, у якім 25.03.1918 была абвешчана незалежнасьць БНР Фота © К. Шастоўскі |

Мінск (Менск). Памятныя адрасы Валадарскага, 9 / Серпухаўская, 9 (БНР)

Тут на трэцім паверсе 24-25.03.1918 адбылася гістарычная сесiя Рады БНР Фота © К. Шастоўскі |

24-25 сакавiка 1918 года на вулiцы Валадарскага, 9 (былая Серпухауская, 9), у будынку, арандаваным у Сялянскага пазямельнага банку ад сярэдзiны сакавiка для Народнага Сакратарыяту, адбылася сесiя Рады Беларускай Народнай Рэспублiкi. Тут, у залi на трэцiм паверсе, а восьмай ранiцы, была абмеркаваная i ухваленая Трэцяя ўстаўная грамата Беларускай Народнай Рэспублiкi.

Устаўная грамата Рады Беларускай Народнай Рэспублiкi

Год таму назад народы Беларусi разам з народамi Расеi скiнулi ярмо расейскага царызму, якi найцяжэй прыцiснуў быў Беларусь: не пытаючыся народу, ён кiнуў наш край у пажар вайны, якая чыста зруйнавала гарады i вёскi беларускiя. Цяпер мы, Рада Беларускай Народнай Рэспублiкi скiдаем з роднага краю апошняе ярмо дзяржаўнай залежнасцi, якое гвалтам накiнулi расейскiя цары на наш вольны i незалежны край.

Ад гэтага часу Беларуская Народная Рэспублiка абвяшчаецца незалежнаю вольнаю дзяржавай. Самi народы Беларусi ў асобе Устаноўчага Сойму пастановяць аб будучых дзяржаўных зьвязях Беларусi.

На моцы гэтага трацяць сiлу ўсе старыя дзяржаўныя зьвязi, якiя далi магчымасць чужому ўраду падпiсаць i за Беларусь трактат у Берасьцi, што забiвае насьмерць беларускi народ, дзелячы зямлю яго на часткi.

На моцы гэтага ўрад Беларускай Народнай Рэспублiкi мае ўвайсьцi ў зносiны з зацiкаўленымi странамi, прапануючы iм перагледзець тую часьцiну Берасьцейскага трактату, якая датычыць Беларусi, i падпiсаць мiравую ўмову з усiмi ваяваўшымi дзяржавамi.

Беларуская Народная Рэспублiка павiнна абняць усе землi, дзе жыве i мае лiчбенную перавагу беларускi народ, а ласьне: Магiлеўшчыну, беларускiя часьцi Меншчыны, Гарадзеншчыны (з Горадняй, Беластокам i iнш.), Вiленшчыны, Вiцебшчыны, Смаленшчыны i сумежных часьцяў суседнiх губэрняў, заселенных беларусамi.

Беларуская Народная Рэспублiка зацьвярджае ўсе тыя правы i вольнасцi грамадзян i народаў Беларусi, якiя абвешчаныя Ўстаўной граматай ад 9 сакавiка 1918 року.

Абвяшчаючы аб незалежнасьцi Беларускай Народнай Рэспублiкi, Рада яе пакладае свае надзеi на тое, што ўсе любячыя волю народы дапамогуць беларускаму народу ў поўнай меры зьдзейсьнiць яго палiтычна дзяржаўны iдэал.

Рада Беларускай Народнай Рэспублiкi
Дана ў Менску-Беларускiм 25 сакавiка 1918 року

Крыніцы:
С.Харэускі, “Тапаграфія БНР”, Наша Ніва, №10, 2007
У. Арлоў, Г.Сагановіч. Дзесяць вякоў беларускай гісторыі. Вільня, 1999

Срубы, пиломатериалы, доска, брус, кругляк
Каардынаты:
53° 53'51.41"N, 27° 33'5.69"E

Фотагалерэі