Выбраныя здымкі
Царква Святога Аляксандра Неўскага ў Пружанах Фота © Вікторыя Воўкава | Дата: 06.05.2012
Пружанскі Цудатворны абраз Божай Маці 'Плачучай' Фота © А.Мележ | Дата: 06.05.2012
Бакавы фасад Фота © К. Шастоўскі | Дата: 2003-03-26
Пачаў будавацца на былой рынкавай плошчы ў 1857 г. як касцёл пры дапамозе ўладальніка пружанскага маёнтка Валенція Швыкоўскага. Праект быў складзены архітэктарам Г.Марконі. 3-за недахопу сродкаў будаўніцтва было спынена. Пасля паўстання 1863 г. маёнтак у Валенція Швыкоўскага быў канфіскаваны, а незавершаны будынак перададзены праваслаўнаму ведамству. Дабудаваны ў 1864—80 гг. як праваслаўны храм паводле праекта архітэктара Залатарова.
Помнік архітэктуры позняга класіцызму з элементамі рэтраспектыўна-рускага стылю. Магутная прамавугольная ў плане 3-нефавая базіліка накрыта 2-схільным дахам. Над прамавугольным аб'ёмам прытвора ўзвышаецца 2-ярусная (васьмярык на чацверыку) званіца, завершаная сферычным купалам з ліхтаром. Нетрадыцыйна вырашана апсіда храма — 3-ярусны цыліндрычны аб'ём, накрыты сферычным купалам з галоўкай. Верхні ярус светлавы, прарэзаны круглымі люкарнамі. Сцены апяразаны шырокім антаблементам, раскрапаваны пілястрамі ў прасценках высокіх арачных аконных праёмаў у кілепадобных ліштвах. Тры ўваходы ў храм вырашаны рызалітамі-порцікамі з 3-вугольнымі франтонамі на 2 пілястрах.
Зала храма 6 магутнымі слупамі падзелена на 3 нефы, перакрытыя цыліндрычным і крыжовымі скляпеннямі на падпружных арках. Цэнтральны неф падоўжаны паўкруглай апсідай, вылучанай разным іканастасам з вітымі калонкамі (спраектаваны Залатаровым у 1880). У 1891 г. гарадской думай сабору быў ахвяраваны абраз са святымі, аднайменнымі членам царскай сям'і.
Помнік архітэктуры позняга класіцызму з элементамі рэтраспектыўна-рускага стылю. Магутная прамавугольная ў плане 3-нефавая базіліка накрыта 2-схільным дахам. Над прамавугольным аб'ёмам прытвора ўзвышаецца 2-ярусная (васьмярык на чацверыку) званіца, завершаная сферычным купалам з ліхтаром. Нетрадыцыйна вырашана апсіда храма — 3-ярусны цыліндрычны аб'ём, накрыты сферычным купалам з галоўкай. Верхні ярус светлавы, прарэзаны круглымі люкарнамі. Сцены апяразаны шырокім антаблементам, раскрапаваны пілястрамі ў прасценках высокіх арачных аконных праёмаў у кілепадобных ліштвах. Тры ўваходы ў храм вырашаны рызалітамі-порцікамі з 3-вугольнымі франтонамі на 2 пілястрах.
Зала храма 6 магутнымі слупамі падзелена на 3 нефы, перакрытыя цыліндрычным і крыжовымі скляпеннямі на падпружных арках. Цэнтральны неф падоўжаны паўкруглай апсідай, вылучанай разным іканастасам з вітымі калонкамі (спраектаваны Залатаровым у 1880). У 1891 г. гарадской думай сабору быў ахвяраваны абраз са святымі, аднайменнымі членам царскай сям'і.
Крыніца:
А.М. Кулагін
Праваслаўныя храмы на Беларусі
Мінск, Беларуская Энцыклапедыя, 2001