Выбраныя здымкі
Сядзібны дом. Фрагмент Фота © К. Шастоўскі |
Сядзібны дом Фота © К. Шастоўскі |
Сядзібны дом Фота © К. Шастоўскі |
Колішні фальварак. Вёска ўзнікла не пазней 2-й паловы XVII ст. на сродкі ордэна цыстарцыянцаў з Алізарава Става. Потым тут быў адкрыты шпіталь.
Першым уладаром маёнтка быў род Пацеяў. Пацеі прадалі сваю ўласнасць роду Янушкевічаў. Каля стагоддзя (да 1850 г.) Шпіталі ўваходзілі ў Рэчыцкі ключ князёў Чартарыйскіх, пасля якіх у маёнтку гаспадарылі Нарбуты . У 1816 г. у маёнтак уваходзілі вёскі Канатоны, Лойкі і Сцяпанкі. Побач знаходзіліся аднайменныя маёнткі Булгакаў і Валіцкіх.
Цяпер ад сядзібна-паркавага ансамбля засталіся адзінкавыя дрэвы, сядзібны дом, сажалка і руіны млына. У парку растуць ліпы, вязы, грабы, дэкаратыўныя кусты.
Сядзібны дом пабудаваны ў 2-й палове XIX ст. з дрэва, у плане мае форму працяглага прамавугольніка, аднапавярховы, з высокім чатырохсхільным дахам. Унутраная планіроўка анфіладная. У доме пражывае некалькі сем'яў. Млын у пасляваенны час разрабаваны, сажалка занядбана. Сядзібны дом патрабуе капітальнага рамонту. Рэшткі сядзібы (сядзібны дом, млын, сажалка) патрабуюць узяцця на ўлік і пад ахову дзяржавы.
Першым уладаром маёнтка быў род Пацеяў. Пацеі прадалі сваю ўласнасць роду Янушкевічаў. Каля стагоддзя (да 1850 г.) Шпіталі ўваходзілі ў Рэчыцкі ключ князёў Чартарыйскіх, пасля якіх у маёнтку гаспадарылі Нарбуты . У 1816 г. у маёнтак уваходзілі вёскі Канатоны, Лойкі і Сцяпанкі. Побач знаходзіліся аднайменныя маёнткі Булгакаў і Валіцкіх.
Цяпер ад сядзібна-паркавага ансамбля засталіся адзінкавыя дрэвы, сядзібны дом, сажалка і руіны млына. У парку растуць ліпы, вязы, грабы, дэкаратыўныя кусты.
Сядзібны дом пабудаваны ў 2-й палове XIX ст. з дрэва, у плане мае форму працяглага прамавугольніка, аднапавярховы, з высокім чатырохсхільным дахам. Унутраная планіроўка анфіладная. У доме пражывае некалькі сем'яў. Млын у пасляваенны час разрабаваны, сажалка занядбана. Сядзібны дом патрабуе капітальнага рамонту. Рэшткі сядзібы (сядзібны дом, млын, сажалка) патрабуюць узяцця на ўлік і пад ахову дзяржавы.
Крыніца:
Т.І. Чарняўская
Памяць, Жабінкаўскі раён.
Мінск, Ураджай, 1999