Выбраныя здымкі
Касьцёл цыстэрцыянаў. Выгляд да пабудовы агароджы перад ўсходнім фасадам Фота © Зьміцер Вайцэховіч | Дата: 2000-x
Касцёл. Апсіда Фота © К. Шастоўскі | Дата: 07.07.2007
Погляд на касцёл ад паўночнага ўсходу Фота © К. Шастоўскі | Дата: 07.07.2007
На тэрыторыі Беларусі цыстэрцыянцы з’явіліся ў 1711 г. Менавіта ў гэтым годзе святар-цыстэрцыянін Бенедыкт Ружанскі прыехаў на Мазырскае Палессе. У прыгарадзе Мазыра — Кімбараўцы, у вельмі маляўнічым месцы на правым беразе Прыпяці ён вырашыў заснаваць мужчынскі кляштар.
Шаноўныя мазыране спадарыні Камароўская, Бахманава, сям’я Шукштаў ахвяравалі абложную зямлю і лясы ў Чорнай Даліне Кімбараўкі. Сродкі на будаўніцтва даў наваградскі кашталян Антоній Аскерка. У 1740-я і 1780-я гады фінансава падтрымлівалі Рафал Алаіз і Казімір Мацей Аскеркі. У 1717 г. кароль Рэчы Паспалітай Аўгуст ІІ даў кляштару 30 валок зямлі, у 1742 г. кароль Аўгуст ІІІ — яшчэ 20 валок. У 1825 г. цыстэрцыянцы мелі юрыдыку ў Кімбараўцы з 6 хатамі, вёскі Навінкі і Юхнаўка (18 дымоў), 24 валокі зямлі ворнай і пад лесам. Парафія пры кляштары мела таксама капліцы ў вёсках Кошчычы, Кузьмічы, Нароўля, Навінкі, Санюкі, Юзафаўка. Працавала школа для дзяцей і моладзі, бібліятэка, у якой налічвалася 850 тамоў.
Мужчынскі кляштар у 1864 г. быў зачынены царскімі ўладамі, а касцёл пераабсталяваны пад праваслаўную царкву. Усе будынкі добра захаваліся, але сёння ў іх месціцца мэблевая фабрыка.
Шаноўныя мазыране спадарыні Камароўская, Бахманава, сям’я Шукштаў ахвяравалі абложную зямлю і лясы ў Чорнай Даліне Кімбараўкі. Сродкі на будаўніцтва даў наваградскі кашталян Антоній Аскерка. У 1740-я і 1780-я гады фінансава падтрымлівалі Рафал Алаіз і Казімір Мацей Аскеркі. У 1717 г. кароль Рэчы Паспалітай Аўгуст ІІ даў кляштару 30 валок зямлі, у 1742 г. кароль Аўгуст ІІІ — яшчэ 20 валок. У 1825 г. цыстэрцыянцы мелі юрыдыку ў Кімбараўцы з 6 хатамі, вёскі Навінкі і Юхнаўка (18 дымоў), 24 валокі зямлі ворнай і пад лесам. Парафія пры кляштары мела таксама капліцы ў вёсках Кошчычы, Кузьмічы, Нароўля, Навінкі, Санюкі, Юзафаўка. Працавала школа для дзяцей і моладзі, бібліятэка, у якой налічвалася 850 тамоў.
Мужчынскі кляштар у 1864 г. быў зачынены царскімі ўладамі, а касцёл пераабсталяваны пад праваслаўную царкву. Усе будынкі добра захаваліся, але сёння ў іх месціцца мэблевая фабрыка.
Руслан Гародка
Ave Maria, №3(82) 2002
ЦЫСТЭРЦЫЯНЦЫ Ў МАЗЫРЫ
http://media.catholic.by/ave/index.htm?/ave/n82/art14.htm