> Гродзенская вобласць > Карэліцкі раён > вёска Жухавічы Вялікія > Царква Святых апосталаў Пятра й Паўла
Жухавічы Вялікія. Царква Святых апосталаў Пятра й Паўла
Жухавічы Вялікія. Царква Святых апосталаў Пятра й Паўла

Царква Святых апосталаў Пятра й Паўла | Жухавічы Вялікія

Выбраныя здымкі

Жухавічы Вялікія. Царква Святых апосталаў Пятра й Паўла

Петрапаўлаўская царква ў Вялікіх Жухавічах Фота © К. Шастоўскі | Дата: 10/05/2016

Жухавічы Вялікія. Царква Святых апосталаў Пятра й Паўла

Званіца XIX ст. Фота © Dominik Abłamowicz | Дата: 10/05/2016

Жухавічы Вялікія. Царква Святых апосталаў Пятра й Паўла

Агульны выгляд Фота © Sergej Kondratowicz | Дата: 10/05/2016

У цэнтры вёскі Вялікія Жухавічы размешчана Свята-Петрапаўлаўская царква. Пабудавана ў 1700 г. (па іншых звестках у 1745 г.) як грэка-каталіцкі храм па фундацыі князя Караля Радзівіла. У пачатку XX ст. Імператарская археалагічная камісія па хадайніцтву кансісторыі дала дазвол на разабранне храма. Аднак прыхаджане не дазволілі разбурыць старую уніяцкую царкву. Прыпісана да Свята-Пакроўскай царквы ў в. Турэц. Прастольнае свята 12 ліпеня.

Помнік народнага драўлянага дойлідства з рысамі барока. Да прамавугольнага зруба далучаны квадратны прытвор і 5-гранная апсіда з нізкімі бакавымі рызніцамі. Пад уплывам барока ў XVIII ст. храмы набываюць пластычныя дахі, складаныя па форме купалы. Аб'ёмы пры дапамозе 3-вугольных застрэшкаў накрыты агульным вальмавым гонтавым дахам, вільчык якога па цэнтры завершаны фігурнай барочнай вежачкай. Агульную сіметрычна-восевую пабудову царквы парушае прыбудова да бакавога фасада невялікага прыдзела-капліцы пад 2-схільным дахам. Вертыкальна ашаляваныя сцены прарэзаны прамавугольнымі аконнымі праёмамі ў простых ліштвах. У інтэр'еры шэсць 4-гранных слупоў падтрымліваюць плоскую бэлечную столь, над уваходам хоры з разной агароджай. 3-ярусны іканастас на 11 абразоў позняй работы вылучае апсіду. Побач з царквой у XIX ст. пастаўлена мураваная 2-ярусная званіца пад шатровым дахам, завершаным галоўкай на чацверыковым барабане (мела 4 званы). У 1890 г. у вёсцы пабудавана драўляная царкоўна-прыходская школа.

Крыніца:
Анатоль Кулагін
Памяць. Карэліцкі раён
Мінск. Белта. 2000

Год пабудовы (перабудовы): 1700-45
Каардынаты:
53° 24'55.25"N, 26° 19'7.81"E

Фотагалерэі