Выбраныя здымкі
Фасад будынка з тэрыторыі прадпрыемства. Ліпень 2009 Фота © Андрэй Кузьмін |
Выгляд з боку. Ліпень 2009 Фота © Андрэй Кузьмін |
Крычаўская паштовая станцыя пабудавана ў сярэдзіне 19 ст., як адна з аднатыпных станцый на ўсходзе Беларусі (падобны аб’ект захаваўся таксама ў Слаўгарадскім раёне. Зараз знаходзіцца ў занядбаным стане). Галоўны будынак мураваны, прамавугольны ў плане, аднапавярховы, з дваровай і пазнейшай тарцовай прыбудовамі. Павернуты галоўным фасадам да дарогі, яго цэнтральная частка і вуглы вылучаны пілястрамі з гатычнымі арачнымі нішамі. Планіроўка будынка сіметрычная. Сцены памяшканняў аперазаны прафіляванымі карнізамі. З 1886 года крычаўская паштовая станцыя ўвайшла ў склад Мінскай паштова-тэлеграфнай акругі, якая ахоплівала Мінскую і Магілёўскую губерні.
Месцілася станцыя на паштовым тракце Масква-Брэст-Варшава і выкарыстоўвалася для забеспячэння паштовых зносін паміж беларускімі, польскімі землямі і глыбіннымі раёнамі Расійскай імперыі. Як вядома, такія станцыі з’яўляліся свайго роду апорнымі кропкамі паштовага ведамства, што забяспечвалі бесперапынную перапраўку паштовых грузаў.
Цяперашні стан: захавалася надзвычай добра, але, у пэўнай ступені, пашкоджана “рэстаўратарамі”. Размешчана па адрасе вул. Ленінская, 76 і выкарыстоўваецца ў якасці канторы РУП Магілёўаўтадар “ДЭУ -77”.
Месцілася станцыя на паштовым тракце Масква-Брэст-Варшава і выкарыстоўвалася для забеспячэння паштовых зносін паміж беларускімі, польскімі землямі і глыбіннымі раёнамі Расійскай імперыі. Як вядома, такія станцыі з’яўляліся свайго роду апорнымі кропкамі паштовага ведамства, што забяспечвалі бесперапынную перапраўку паштовых грузаў.
Цяперашні стан: захавалася надзвычай добра, але, у пэўнай ступені, пашкоджана “рэстаўратарамі”. Размешчана па адрасе вул. Ленінская, 76 і выкарыстоўваецца ў якасці канторы РУП Магілёўаўтадар “ДЭУ -77”.
Андрэй Кузьмін