Выбраныя здымкі
Царква Сьв. Параскевы Пятніцы ў Крычаве. Сучасны выгляд Фота © Андрэй Кузьмін |
Царква на фотаздымку пач. ХХ ст. Фота © Андрэй Кузьмін |
Інтэр'ер, фрагмент Фота © Уладзімер Ткачэнка |
Дакладна вядома, што царква Параскевы Пятніцы (Пятніцкая) існавала ў Крычаве ўжо ў другой палове 16 ст. Вядома, што пэўныя сродкі на яе выдаткоўвалі крычаўскія дзяржаўцы Мікалай Служка і Багдан Саламярэцкі. Маецца цікавая інфармацыя пра святара гэтай царквы Аляксандра Цітовіча, які падтрымліваў сялянскае паўстанне 1743-44 гг. пад кіраўніцтвам Васіля Вашчылы. Жадаючы пазбегнуць за гэта пакарання, ён паехаў да смаленскага уніяцкага епіскапа і там прыняў унію. Вярнуўся ў Крычаў і пачаў схіляць сваю паству да пераходу ў унію.
Недзе на пачатку 20 ст. царква моцна пацярпела ад пажару. У першай палове 1930-х гг. была амаль цалкам разбурана, а на яе рэштках (падмурак і частка сцен) пабудаваны клуб. Пазней тут дзейнічаў кінатэатр. У 1990-я гады кінатэатр зноў перарабілі пад царкву, якая зараз складаецца з двух частак (Свята-Васкрасенска-Параскевінскі сабор).
Цяперашні стан: царква дзеючая. На званіцы выкарыстоўваецца звон адліты на мясцовым медналіцейным заводзе ў 1748 г.
Недзе на пачатку 20 ст. царква моцна пацярпела ад пажару. У першай палове 1930-х гг. была амаль цалкам разбурана, а на яе рэштках (падмурак і частка сцен) пабудаваны клуб. Пазней тут дзейнічаў кінатэатр. У 1990-я гады кінатэатр зноў перарабілі пад царкву, якая зараз складаецца з двух частак (Свята-Васкрасенска-Параскевінскі сабор).
Цяперашні стан: царква дзеючая. На званіцы выкарыстоўваецца звон адліты на мясцовым медналіцейным заводзе ў 1748 г.
Андрэй Кузьмін