> Мінская вобласць > Дзяржынскі раён > горад Дзяржынск (Койданава) > Касцёл Святой Ганны
Дзяржынск (Койданава). Касцёл Святой Ганны
Дзяржынск (Койданава). Касцёл Святой Ганны

Касцёл Святой Ганны | Дзяржынск (Койданава)

Выбраныя здымкі

Дзяржынск (Койданава). Касцёл Святой Ганны

Фота © Artem |

Дзяржынск (Койданава). Касцёл Святой Ганны

Галоўны фасад Фота © К. Шастоўскі |

Дзяржынск (Койданава). Касцёл Святой Ганны

Касцел св. Ганны (?). Гал. фасад. Nasze kościoły; [T. 2], Djecezja mińska. [Z.] 12, Dekanat nadniemeński / pod red. Jozafata Żyskara.
http://www.polona.pl Фота © J. Żyskar | Дата: 1914

Першапачатковы храм Апекі Божай заснаваны ў 1439 г. Неаднаразова цярпеў ад пажараў. Апошняя перабудова адносіцца да 2-й паловы 18 ст. У савецкі час будынак быў перабудаваны і прыстасаваны пад дзіцячую музычную школу. У 1990-я гг. перададзены вернікам, дзейнічае.

Помнік драўлянага дойлідства з рысамі барока. 3-нефавая 2-вежавая базіліка на высокім мураваным цокалі. Мае ярусную аб'ёмна-прасторавую кампазіцыю: да цэнтральнага высокага нефа, які пераходзіць у 5-гранную апсіду, далучаюцца больш нізкія бакавыя нефы з 1-схільнымі пакрыццямі. Галоўны фасад вырашаны шырокай вертыкальна ашаляванай плоскасцю. Першапачаткова фасад быў фланкіраваны дзвюма 2-яруснымі чацверыковымі вежамі, завершанымі пластычнымі па форме каркаснымі шатровымі сігнатуркамі (вежы былі знесены і ў наш ужо час надбудаваны нізкія вежачкі). Паміж імі быў размешчаны фігурны валютны шчыт, што прыкрываў 2-схільны дах — кампазіцыя, запазычаная з барочнай мураванай архітэктуры. Па цэнтры фасада было лучковае акно, што асвятляла хоры, і 4-слуповы ганак. Бакавыя фасады расчлянёны 2 радамі прамавугольных (раней лучковых) аконных праёмаў і вертыкальнымі брусамі-сцяжкамі ў прасценках.

Мастацкім акцэнтам інтэр'ера з'яўляўся драўляны барочны алтар (не захаваўся), выкананы ў форме порціка з 2 парамі размешчаных уступам канеліраваных карынфскіх калон, якія неслі лучковы франтон з разной кампазіцыяй "Глорыя". Характарызаваўся напружанасцю і экспрэсіўнасцю архітэктурна-пластычнай кампазіцыі, выгінамі хвалістага франтона і карнізных паясоў, насычанасцю скульптурай, вазамі і дэкаратыўнай разьбой. Уся архітэктурна-пластычная кампазіцыя была ўзнята на высокі філёнгавы цокаль са скульптурамі апосталаў па баках. У цэнтры алтара быў жывапісны абраз "Прасвятая Багародзіца" 18 ст.

Перад касцёлам стаяла драўляная 2-ярусная зрубна-каркасная званіца, шатровы гонтавы дах якой завяршала сігнатурка, падобная да касцельнай.

Крыніца:
А.М. Кулагін
Каталіцкія храмы на Беларусі
Мінск, Беларуская Энцыклапедыя, 2000

Год пабудовы (перабудовы): > 1750, (XX)
Каардынаты:
53° 41'21.96"N, 27° 7'42.23"E

Фотагалерэі