> Мінская вобласць > Мінскі раён > вёска Строчыца (Азярцо) > Сектар «Цэнтральная Беларусь»
Строчыца (Азярцо). Сектар «Цэнтральная Беларусь»
Строчыца (Азярцо).  Сектар «Цэнтральная Беларусь»

Сектар «Цэнтральная Беларусь» | Строчыца (Азярцо)

Выбраныя здымкі

Строчыца (Азярцо).  Сектар «Цэнтральная Беларусь»

Фрагмент Фота © К. Шастоўскі |

Строчыца (Азярцо).  Сектар «Цэнтральная Беларусь»

Царква зь вёскі Логнавічы Клецкага раёну Фота © К. Шастоўскі |

Строчыца (Азярцо).  Сектар «Цэнтральная Беларусь»

Царква зь вёскі Логнавічы Клецкага раёну Фота © К. Шастоўскі |

У сектары «Цэнтральная Беларусь» грамадскія будынкі (Пакроўская царква 17—18 стагоддзяў з в. Логнавічы Клецкага раёна; грамадскі свіран пач. 19 ст. з в. Касарычы Глускага раёна; карчма пач. 19 ст. з в. Хвоева Нясвіжскага раёна; школа пач. 1930-х гадоў з в. Калодчына Вілейскага раёна) размешчаны побач з сядзібнай забудовай, што з'яўляецца этнаграфічнай адметнасцю рэгіёна.

Сядзібная забудова — тып вясковай вуліцы з аднабаковым размяшчэннем пабудоў. Структура сядзіб ілюструе развіццё лінейнай (пагоннай) планіроўкі двароў. Пагонны двор з двух асобных пабудоў утвараюць хата (хата—сені—клець) пач. 20 ст. з в. Ісерна Слуцкага раёна і хлеў з в. Солан Старадарожскага раёна; сядзібу завяршае 8-вугольнае гумно. Тып пагоннага двара з пабудовамі пад адным дахам (хата—сені—камора—сенечкі—кладоўка—клець—адрына—хлявы—птушнік) ілюструе сядзіба пач. 20 ст. з в. Садавічы Капыльскага раёна.

Дваром з незвязанай забудовай (хата—сені—варыўня, хлявы з птушнікам, насупраць — свіран, алейня, гумно) з'яўляецца сядзіба з в. Заброддзе Стаўбцоўскага раёна. У канцы сектара размешчана кузня з в. Клачкова Маладзечанскага раёна.

На пагорку — вятрак-казлоўка з в. Даматканавічы Клецкага раёна.

Сектар дапаўняюць 3 тыпы агароджы: тын з яловага галля, плот з жэрдак, паркан вакол царквы, а таксама канавяз, лаўка каля прызбы і 2 студні — адна з калаўротам пад навесам, другая з жураўлём.

Крыніца:
Г.А. Ткацэвіч
Архітэктура Беларусі
Мінск, Беларуская Энцыклапедыя, 1993

Паведамленні

Каардынаты:
53° 49'46.48"N, 27° 22'26.37"E

Фотагалерэі